Caadxi modo zanda guinínenu binni

Torre stiʼ ni rapa 1 stiʼ enero

«Ñee raʼbuʼ jma galán ñaca Guidxilayú riʼ pa guiráʼ binni ñuni ni na textu riʼ la? [Biindaʼ Hebreos 13:18 ne guleza guicábibe.] Biblia cayabi laanu cadi gusaana de gúninu ni jneza. Revista Torre stiʼ ni rapa stiʼ beeu riʼ cusiene ora rúninu ni jneza racané ni laanu lu xquendanabáninu.»

Ca diidxaʼ sicarú ni zeeda de Dios

«Yannadxí canagánnadu binni ti ratu para guluidu laaca modo zanda gúʼndacaʼ Biblia. Folletu riʼ neni 15 ndaa ni cusiene xi textu de lu Biblia ricabi ca guendarinabadiidxaʼ risaca riʼ [biluíʼ laabe nezalú ne neza deche folletu ca]. Ñee huayuu dxi gúniluʼ stipa pur guiéneluʼ cani rusiidiʼ Biblia la? [Guleza guicábibe.] Riuuladxeʼ gulueeʼ lii modo rusíʼdidu binni né folletu riʼ, ne zudiiluʼ cuenta cadi nagana para guiene binni ca ndaa stini. [Biyubi ndaa 3 stini ne biindané laabe primé párrafo stiʼ guendarinabadiidxaʼ chonna. De racá, biindaʼ Apocalipsis 21:4, 5. Pa rábiluʼ zanda la? biindané laabe sti párrafo stini ne ca textu zeeda luni.] Zanda guiaananeluʼ folletu riʼ. Ne galán gúʼndaluʼ neca tobi de ca tema stini. Pa riuuláʼdxiluʼ zándaruʼ gacanedu lii guiziidiluʼ. Sti biaje tiididu, zanda gúʼndanedu lii primé ndaa stini, ni zeeda lu ti yaza si.»