Modo gucheecheluʼ diidxaʼ jma jneza: cani zanda gúniluʼ para chigánnaluʼ binni stiʼ biaje

Xiñee risaca gúniluʼ ni. Pa guidxélanu tuuxa ni chuulaʼdxiʼ ca diidxaʼ zinenu ra nuucaʼ la? racaláʼdxinu guibiguétanu sti biaje ora maʼ nuucaʼ ra lídxicaʼ casi ñaca niguzeʼnu biidxihuiiniʼ bidxíʼbanu que (1 Cor. 3:6). Para ganda gúninu nga la? stale biaje ante guireʼnu ra lidxi binni ca naquiiñeʼ gúʼyanu xi zanda gúninu para chigánnanu laabe sti biaje ra guinabadiidxanu laabe padxí zanda guibiguétanu. Laaca galán gusaananu ti guendarinabadiidxaʼ ni guiníʼ íquebe ne ni ganda guicábinu laabe sti biaje guibiguétanu, ti zacá mápeca cabézabe laanu ora chuunu. Pa zeeda guendarinabadiidxaʼ ca lu publicación bisaananenu laabe ca la? zándaca mápeca biindabe ni ora guibiguétanu. Pa guidúʼyanu xi zanda gúninu para chigánnanu tuuxa la? cadi nagana zaca para laanu guibiguétanu purtiʼ maʼ gulinu ti tema ne maʼ nanna binni ca xidé chiguinínenu laa. Ora guidúʼyanu laabe sti biaje, zanda gábinu laabe zeeda guicábinu guendarinabadiidxaʼ bisaananenu laabe que ne güínenu laabe diidxaʼ de laani.