Caadxi modo zanda guinínenu binni
Torre stiʼ ni rapa 1 stiʼ febrero
«Cusaananedu guiráʼ binni nabeza neza riʼ ti tratadu ni caníʼ zanda gacané Biblia laanu. Niáʼ tobi para gusaananiáʼ lii. [Bidii binni ca ti tratadu ni láʼ Xi riníʼ íqueluʼ de Biblia.] Stale de laanu napa guendanagana ra runi dxiiñaʼ ne ñuulaʼdxiʼ ñaca chaahuiʼ ni. Ne dxandipeʼ la? ñuuláʼdxinu ñuni sentirnu ni ruzeeteʼ Biblia lu versículo riʼ. [Biindaʼ Eclesiastés 3:13.] Lu revista riʼ zeeda stale principiu ni biree lu Biblia ni zanda gacané laanu guni sentirnu nayecheʼ ra dxiiñaʼ. Ñuuláʼdxiluʼ ñuundaluʼ ni la?»
¡Despertad! Febrero
«Canagánnadu binni neca ti ratuhuiiniʼ para guluidu laacaʼ revista !Despertad¡ riʼ. Laani cacábini ti guendarinabadiidxaʼ ni nabé risaca gánnanu. [Biluíʼ binni ca primé yaza stini.] Biblia rudii stale conseju ne ñuuladxeʼ ñannaʼ xi riníʼ íqueluʼ de conseju riʼ. [Biindaʼ Proverbios 29:11.] Lii xi rábiluʼ, ñee zanda gacané ni rusiidiʼ Biblia laanu la? [Guleza guicábibe.] Lu revista riʼ zeeda tapa principiu stiʼ Biblia ne luni cusiene laanu xi zabeendunu pa gúninu ni na ca principiu riʼ.»
Libru stinneʼ de ca historia stiʼ Biblia
«Padiuxi, canagánnadu binni para gacanedu laacaʼ guiénecaʼ xiñee gucuá Biblia. Ñee huayuu dxi guinabadxiidxaluʼ zacá la? (Guleza guicábibe.) Nuu ti razón xi pur gucuá Biblia peru huaxiéʼ si tu nanna ni, gucuani para quixhenani binni. Ne laani nga ni rieeteʼ lu 1 Corintios 10:11 (biindaʼ ni). Modo caguixhená Dios laanu ca cadi para guchibi laanu, sínuque para gucaani binni guyubi guilá, ne ndiʼ nga guiropa razón ni nuu para gucuá Biblia. Segunda a Timoteo 3:15 racané laanu guiénenu cásica ni nahuiiniʼ zaqueca ni maʼ huaniisi caquiiñecaʼ Stiidxaʼ Dios para guilacaʼ. (Biindaʼ textu ca.) Chiguluéʼ lii bizeeteʼ Isaías, ti hombre ni bicaa Biblia, xi chiguni Dios para ca xpinni, lu tobi de ca historia zeeda lu libru riʼ, Libru stinneʼ de ca historia stiʼ Biblia.» (Bixheleʼ ni lu historia 71, biindaʼ ne bisiene ni zeeda lu primé ne últimu párrafo stini.) Bisaanané laabe libru ca.