Caadxi modo zanda guinínenu binni
Ni zanda guininu ora gusaananenu binni invitación
«Padiuxi. Cayuni invitardu lii cheluʼ ti guendaridagulisaa nabé risaca. Millón binni zadagulisaacaʼ lu guidubi naca Guidxilayú 3 stiʼ abril para guietenaláʼdxicaʼ guendaguti stiʼ Jesucristu ne zucaadiágacaʼ ti libana ni biree lu Biblia sin quíxecaʼ. Libana riʼ zusiene ni ximodo racané guendaguti stiʼ Jesús laanu. Lu invitación riʼ cá paraa ne pora chigaca ni.»
Torre stiʼ ni rapa 1 stiʼ marzo
«Iza riʼ zietenaláʼdxidu guendaguti stiʼ Jesucristu viernes 3 stiʼ abril. Zadagulisaanedu chupa chonna binni nabeza ladu riʼ para guietenaláʼdxidu dxi ca. Peru nuu tu riníʼ ique huaxiéʼ risaca guendaguti stiʼ Jesús para laanu. Lii xi raʼbuʼ. Ñee zabeendunu xiixa pur guti Jesús ne biasa de lade gueʼtuʼ la? [Guleza guicábibe.] Biiyaʼ xi cusiene Stiidxaʼ Dios de laani. [Biindaʼ 1 Corintios 15:22, 26.] Revista riʼ cusiene maʼ qué zandaa zabani binni lu Guidxilayú sin qué chuʼ dxi gatiʼ ne zácani pur guendaguti stiʼ Jesús.»
Libru stinneʼ de ca historia stiʼ Biblia
«Padiuxi. Cumu gaxha de ra liʼdxuʼ nabezaʼ la? zeeda güeniáʼ lii caadxi diidxaʼ nacubi ne galán. Ñee huanabadiidxaluʼ pa zedandá dxi guibáninu nayecheʼ la? [Guleza guicábibe. Despué bixheleʼ libru stiuʼ lu historia 115 ne biluíʼ laabe dibuju ca. Oracaruʼ biindané laabe guiropa párrafo stiʼ historia ca.] Nanna dxíchinu zaca ndiʼ purtiʼ Dios nga chiguni ni. [Biindaʼ 2 Pedro 3:13.] Libru riʼ guca ni para gacané ni laanu guiene chaahuinu pabiáʼ nadxii Dios laanu ne pabiáʼ rizaalaʼdxiʼ laanu. [Gudxi laabe pa ziaananebe libru ca.]»