Caadxi modo zanda guinínenu binni
Ximodo zanda guzulú gúʼndanenu binni Biblia primé sábadu stiʼ marzo
«Zedagánnadu lii neca ti ratuhuiiniʼ para gábidu lii zedadxiña dxi rúnidu xiixa nabé risaca, yanna chigácani 14 stiʼ abril. Dxi ca rietenaláʼdxinu guendaguti stiʼ Cristu. Nuu binni ridagulisaa para guietenalaʼdxiʼ dxi riʼ purtiʼ runi crecaʼ risaca guendaguti stiʼ Jesús peru xcaadxi binni na huaxiéʼ risaca ni. Ñee raʼbuʼ ribeendunu xiixa pur guendaguti stiʼ Jesús la?». Guleza guicábibe. De racá biluíʼ laabe tema ni láʼ «Cani rinabadiidxaʼ binni de Biblia» ni zeeda lu revista Torre stiʼ ni rapa 1 stiʼ marzo ne biindané laabe ni cusiene primé guendarinabadiidxaʼ stini ne biindané laabe neca ti textu zeeda luni. Bisaanané laabe ca revista ca ne gudxi laabe padxí tiidiluʼ sti biaje para gúʼndaneluʼ laabe sti guendarinabadiidxaʼ zeeda luni.
Torre stiʼ ni rapa 1 stiʼ marzo
«Stale binni na xiñee cadi cayuni Dios xiixa para cuee guiráʼ cosa ni cadi jneza cayaca yanna ne xiñee cadi cayacanebe ca binni ni cayacaná lu Guidxilayú. Ñee raʼbuʼ qué rizaaláʼdxibe laanu o riníʼ íquebe galán runi sentirnu gacananu la? [Guleza guicábibe. De racá biindaʼ Juan 3:16.] Nuu binni riquiiñeʼ textu riʼ para gusihuinni rizaalaʼdxiʼ Dios laanu, peru qué gánnacabe ximódopeʼ racané guendaguti stiʼ Xiiñiʼ Dios laanu. Revista riʼ cusiene ximodo zaree guiráʼ cosa ni cadi jneza cayaca yanna ne ximodo zaree guiráʼ cosa runiná binni lu Guidxilayú riʼ pur guendaguti stiʼ Jesús.»
¡Despertad! Marzo
«Canagánnadu binni neca ti ratuhuiiniʼ para gacanedu laacaʼ guiene chaahuicaʼ ca diidxaʼ ni zeeda lu ti textu stiʼ Biblia purtiʼ stale binni cadi jneza modo riene cani [biindaʼ Génesis 1:1]. Nuu tu na guyáʼ guibáʼ ne Guidxilayú casi na lu textu riʼ, peru xcaadxi binni na cadi zacá diʼ gúcani. Lii xi raʼbuʼ yaʼ. [Guleza guicábibe.] Stale binni raca nagana para laacaʼ guni crecaʼ guyáʼ guiráʼ xixé ni nuu purtiʼ rusiidiʼ ca xaíque yuʼduʼ laacaʼ ni cadi zeeda lu Biblia. Revista riʼ cusiene xiñee zanda guni crenu ora riníʼ Biblia guyuu tu bizáʼ guibáʼ ne Guidxilayú.