Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ marzo

«Maʼ raca mil de iza rinabadiidxaʼ binni caadxi cosa casi paraa nuu ca gueʼtuʼ ca. Xi rácanu ora maʼ gútinu. Lii xi riníʼ íqueluʼ de cani rinabadiidxaʼ binni riʼ yaʼ.» Guleza guicábibe ne gudxi laabe galanpeʼ modo bicábibe. Biluíʼ laabe libru Xipeʼ ndiʼ cusiidiʼ Biblia ne biindané laabe párrafo 5 ne 6 stiʼ yaza 58 ra na «Xi rácanu ora maʼ gútinu». Biindané laabe Eclesiastés 9:5 ne bisiene ni laabe. Gudxi laabe padxí zanda guibiguétaluʼ para gúʼndaneluʼ laabe xcaadxi de tema riʼ.

Torre stiʼ ni rapa Enero-marzo

«Nuu binni ni napa religión stiʼ nacaʼ ziuu dxi zanitilú guidxilayú riʼ, ne zacaca riníʼ caadxi científicu. Lii yaʼ, xi riníʼ íqueluʼ de laani.» Guleza guicábibe ne gudxi laabe galanpeʼ modo bicábibe. De racá biluíʼ laabe revista Torre stiʼ ni rapa ne biindané laabe párrafo 2 ne 3 stiʼ yaza 13 ra na «Ñee zanitilú Guidxilayú riʼ lu iza 2012 la?». Biindané laabe Eclesiastés 1:4 ne bisiene ni laabe. Gudxi laabe padxí zanda guibiguétaluʼ sti biaje para gúʼndaneluʼ laabe xcaadxi de cani zeeda lu tema riʼ.

¡Despertad! Marzo

«Yanna riʼ jma maʼ cahuinni ca binni ni cadxiichi stubi ne nisi cadíndecaʼ. Ne intiica si ruchiichi laacaʼ. Xi pur rábiluʼ cayaca binni zacá yaʼ [guleza guicábibe]. Biiyaʼ xi cusiene Biblia de ca binni ni rapa xiana ne nabé ridxiichi [biindaʼ Salmo 37:8]. Revista riʼ cusiene xiñee jma cadale ca binni ni ridxiichi stubi yanna, ne laaca cayábini laanu xi naquiiñeʼ gúninu para gucueezanu laanu.»