Naquiiñeʼ gapuʼ ca diidxaʼ riʼ ndaaniʼ ladxidoʼloʼ

Cani napa xiiñiʼ zeeda gácacaʼ casi ti pastor. Cásica rapa ti pastor ca dendxuʼ stiʼ zacaca naquiiñeʼ gapa binni ca xiiñiʼ. Xiñee yaʼ. Purtiʼ zándaca guireechúcabe ne gacanácabe (Prov. 27:23). Xi zanda guni cani napa xiiñiʼ para gácacaʼ casi ti pastor chaʼhuiʼ yaʼ. Naquiiñeʼ cueecaʼ tiempu güínecaʼ laacabe diidxaʼ guiráʼ dxi. Zacatiʼ zánnacaʼ xi riníʼ íquecabe ne xi nuu ndaaniʼ ladxidóʼcabe (Prov. 20:5). Laaca naquiiñeʼ gacané binni ca xiiñiʼ iguidxi fe sticaʼ para gudxiilucaʼ guiráʼ guendanagana ni zeeda gaca casi guí (1 Cor. 3:10-15). Videu Estas palabras tienen que estar en tu corazón rusihuinni pabiáʼ risaca cadi gusaana de gápanu adoración en familia. Laguuyané ni familia stitu ne oracaruʼ laguicabi ca guendarinabadiidxaʼ riʼ.

1) Xiñee maʼ qué nicá ique familia Román ñuu gaxha de Dios. 2) Xiñee qué ñanda ñuundané hermanu Tomás binnilidxi primé biaje gucalaʼdxiʼ ñuni ni. 3) Casi na Biblia, xi zacané binni gusiniisi xiiñiʼ (Deut. 6:6, 7). 4) Xi naquiiñeʼ guni binni ti cadi gusaana de güiné binnilidxi diidxaʼ. 5) Xi guiráʼ naquiiñeʼ guni sacrificar binni ti chuʼ xiiñiʼ galán. 6) Ximodo gucané familia Vargas binnilidxi Tomás (Prov. 27:17). 7) Xi naquiiñeʼ guni xaíque stiʼ ti familia dede ante para chuulaʼdxiʼ binnilidxi gapa adoración en familia. 8) Xi biʼniʼ hermanu Tomás para bizulú bichaa binnilidxi. 9) Xiñee cadi naquiiñeʼ gusaana de gúninu adoración en familia (Efes. 6:4). 10) Guníʼ xi guiráʼ zanda gúninu lu adoración en familia. 11) Ora gudxi Tomás baʼduʼ lugola stiʼ pabiáʼ risaca guni ni jneza, xiñee galán ngue bíʼnibe gúcabe naguidxi né laa, peru qué nidxiichibe (Jer. 17:9). 12) Ximodo gucané Tomás ne Mónica xiiñidxaapacaʼ para quixhe ique guni ni jneza ne cadi guidxaaga Justin (Mar. 12:30; 2 Tim. 2:22). 13) Xiñee raʼbuʼ bisihuinni Tomás ne Mónica nápacaʼ fe ora bichaacaʼ caadxi cosa lu xquendanabánicaʼ (Mat. 6:33). 14) Ximodo racané videu riʼ xaíque stiʼ ti familia guʼyaʼ pabiáʼ risaca gacané binnilidxi chuʼ gaxha de Dios (1 Tim. 5:8). 15) Xi naquiiñeʼ quixhe ique xaíque stiʼ ti familia guni.

PARA CANI NAPA XIIÑIʼ: Dxi gudiʼdiʼ drama riʼ lu guendaridagulisaa de chonna gubidxa iza 2011, ñee bidiiluʼ cuenta zanda gúniluʼ adoración en familia stiluʼ jma galán la? Yanna ra maʼ biiyaluʼ videu riʼ, ñee nuuruʼ xi cayaadxaʼ gúniluʼ la? Gunabaʼ Jiobá guluíʼ lii xiruʼ caquiiñeʼ gúniluʼ ti gacaneluʼ binnilídxiluʼ guilá (Efes. 5:15-17).