Caadxi modo zanda guinínenu binni

Torre stiʼ ni rapa 1 stiʼ octubre

«Canagánnadu guiráʼ vecinu stidu ne culuidu laacaʼ revista Torre stiʼ ni rapa riʼ. [Biluíʼ laabe primé yaza stiʼ revista ca.] Stale tu riníʼ ique runiti si tiempu ora runi orar ne guirutiʼ rucaadiaga laa. Xcaadxi runi crecaʼ dxandíʼ rucaadiaga Dios oración sticaʼ. Lii xi raʼbuʼ. [Guleza guicábibe.] Biiyaʼ xi ruzeeteʼ Biblia de oración. [Biindaʼ Isaías 30:19.] Revista riʼ cusiene rucaadiaga Dios oración rúninu ne ricábibe ni ora gúninu ni modo riuuláʼdxibe ne ora rinábanu gaca xiixa ni jneza.»

Tu cayuni mandar binni guidxilayú

Despué de ugapadiúxiluʼ binni ne guiniʼluʼ tu laluʼ:

1. Biluíʼ laabe guendarinabadiidxaʼ zeeda lu primé yaza stini ne cani ricabi ni ne gunabadiidxaʼ laabe xi riníʼ íquebe de laacani.

2. Bixheleʼ tratadu ca ne byuiʼné laabe «Xiná Biblia». De racá biindané laabe xiná versículo ca lu Biblia, pa nápabe tiempu la? bisiene laabe subtítulo «Ximodo zacané nga laanu».

3. Bisaanané laabe tratadu ca ne gudxi laabe gúʼndabe guidubi ni ora gápabe tiempu.

4. Ante guireeluʼ ra nuube, biindané laabe guendarinabadiidxaʼ stiʼ subtítulo zeeda lu últimu yaza stini ra na «Guníʼ ique» ne gunabadiidxaʼ laabe padxí zanda guibiguétaluʼ ne gúʼyatu ximodo ricabi Biblia ni.