Qué nuchee Job neca gudiʼdiʼ lu guendanagana

Bibani Job guidxi Uz tiempu guyuu ca israelita que de esclavu guidxi Egipto. Biʼniʼ adorarbe Jiobá, neca cadi israelita laabe. Nabé naroʼbaʼ familia gúpabe ne laaca gúpabe stale cosa risaca. Binibiáʼ binni laabe ndaaniʼ xquídxibe, purtiʼ gúcabe ti hombre nuu xpiaaniʼ ne ni runi jneza. Laaca gúcabe nachaʼhuiʼ né binni pobre ne cani caquiiñeʼ gacanécabe laacaʼ. Qué nucheené Job Dios.

Bisihuinni Job Jiobá nga binni ni jma risaca lu xquendanabani

1:8-11, 22; 2:2-5

• Biiyaʼ Binidxabaʼ biʼniʼ Job ni na Dios ne qué nucheené laabe. Guniʼbe ruzuubaʼ Job diidxaʼ, peru laaca guniʼbe nuu xi pur runi ni.

• Guníʼ Binidxabaʼ runi Job ni na Dios purtiʼ racalaʼdxiʼ guicaa xiixa.

• Para guihuinni pa dxandíʼ ngue la? bidii Jiobá lugar laabe gutiidibe Job lu caadxi guendanagana, ngue runi binduuxeʼ Binidxabaʼ guiráʼ ni napa Job.

• Cumu qué nuchee Job la? guníʼ Binidxabaʼ nuu xi pur zuni binni ni na Dios.

• Qué niníʼ Job mal de Dios ne qué nugaaniʼ donda íquebe pur guiráʼ desgracia ni gupa.