BIBLIOTECA NI NUU LU INTERNET Watchtower

BIBLIOTECA NI NUU LU INTERNET

mwb16 abril yaza 3
Guluu gana xcaadxi né diidxaʼ galán

Ni chigaca lu reunión Xhiiñaʼ Dios ne modo nabáninu 2016

mwb16 abril yaza 3

CA TESORO ZEEDA LU BIBLIA | JOB 16-20

Guluu gana xcaadxi né diidxaʼ galán

Naquiiñeʼ cuʼnu gana ora gudiʼnu conseju

16:4, 5

Nuu Job deprimidu ne qué guidxela xi guni. Caquiiñeʼ tu gacané ne cuʼ gana laa.
Nin tobi de ca guionnaʼ xcompañeru Job qué ñabi laa xiixa ni niguixhedxí ladxidóʼ. Laga bigaanicaʼ donda íquebe ne jmaruʼ si gucanabe.

Ca diidxaʼ guníʼ Bildad sin niníʼ ique nabé bininá cani Job

19:2, 25

Gunabaʼ Job Dios cuee ca guendanagana stiʼ, zaa neca gatiʼ.
Qué nusaana Job de niníʼ ique zanda guindisaʼ Dios laa de lade gueʼtuʼ ngue runi biʼniʼ huantar sin nuchee.

Ruuyadxí si Bildad ne Zofar laga cadindené Elifaz Job

TUU CA NGUE BIGAANIʼ DONDA IQUE JOB

Elifaz

Zándaca de guidxi Temán, ni nuu Edom, laabe. Lu Jeremías 49:7 rieeteʼ de guidxi Temán, lugar ra guyuu ca edomita, ca binni nuu xpiaaniʼ.
Ruluíʼ si laabe nga ni jma huaniisi ne ni jma risaca lade cani na zindaquidxí ladxidóʼ Job. Elifaz nga guníʼ primé. Bidiibe chonna libana ne laacani nga cani jma ziuulaʼ.

Xi donda bigaanibe ique Job

Guniʼbe cuzuubaʼ Job stiidxaʼ Dios purtiʼ cacaa xiixa ne nabe qué gapa diʼ Dios confianza ca xpinni (Job 4, 5).
Guniʼbe qué rituilú Job ne malu laa, ne qué runi respetar Dios (Job 15).
Guniʼbe rachelú Job gapa stale cosa ne qué runi ni jneza, ne laaca guniʼbe qué iquiiñeʼ binni para Dios (Job 22).

Bildad

Súah nga bixhozególabe. Zándaca gulézabe ruaa guiiguʼ Éufrates.
Laabe nga guiropa ni guníʼ. Jma nachucu ca libana stibe peru jma naná cani que cani guníʼ Elifaz.

Xi donda bigaanibe ique Job

Guniʼbe biaʼsi ngue ni bizaacaʼ ca xiiñiʼ Job, purtiʼ maʼ bicheecaʼ ne casi ñaca niniʼbe qué ridxibi Job Dios (Job 8).
Guniʼbe naca Job ti binni malu (Job 18).
Guniʼbe qué risaca diʼ chuʼ binni sin gucheené Dios (Job 25).

Zofar

Gúcabe ti naamatita, zándaca de ladu noroeste stiʼ Arabia.
Laabe nga últimu ni guníʼ ne ni jma bininá Job. Chupa si biaje guniʼbe.

Xi donda bigaanibe ique Job

Guniʼbe neza riníʼ huati si Job ne gúdxibe laa gusaana guiráʼ cosa malu ni cayuni (Job 11).
Guniʼbe naca Job ti binni malu ne riuulaʼdxiʼ guchee (Job 20).