¿Ñee ridúʼyanu ca cualidad ni qué rihuinni stiʼ Dios la?

Ora guidúʼyanu ti guieʼ sicarú, ca estrella o beleguí cá guibáʼ ne ora gunadiáganu cayaba nisa lu ti cascada naroʼbaʼ, ¿ñee rietenaláʼdxinu Dios ni bizáʼ laanu la? Creación ca racané ni laanu guidúʼyanu ca cualidad ni qué rihuinni stiʼ Jiobá (Ro 1:20). Pa cueenu tiempu para guiníʼ íquenu lu ca cosa ni ridúʼyanu, zudiʼnu cuenta napa Dios stale poder, guendarannaxhii, guendanuuxpiaaniʼ, justicia ne generoso laabe (Sl 104:24).

¿Xi ca cosa bizáʼ Jiobá ruuyaluʼ cada dxi? Neca nabézaluʼ ndaaniʼ ti guidxi naroʼbaʼ, randa ruuyaluʼ ca pájaru ne ca yaga. Ra guʼyaʼ chaahuinu cani bizaʼbe zanda gacané cani laanu para cadi tan gápanu ansiedad ne cadi tan guiníʼ íquenu ca problema ni nápanu, ne racané cani laanu guni crenu qué ziuu dxi gusaana Jiobá de gapa laanu (Mt 6:25-32). Pa nápaluʼ xiiñiluʼ, gucané laacabe gúʼyacabe ca cualidad risaca napa Jiobá, ni qué gapa nin ti binni. Ora rudiʼnu xquíxepeʼ Jiobá pur guiráʼ ca cosa ni bizáʼ, runi sentirnu nuunu jma gaxha de laabe (Sl 8:3, 4).

DESPUÉ DE GÚʼYALUʼ VIDEU NI LÁʼ CA COSA SICARÚ BIZÁʼ DIOS RUSIHUINNI CANI GLORIA STIBE: BIAANIʼ NE COLOR, ZANDA GUICÁBILUʼ CA PREGUNTA RIʼ:

• ¿Ximodo racané ca pigmento stiʼ ca cosa ca laanu para ganda guidúʼyanu ca color?

• ¿Ximodo raca producir ca color iridiscente?

• ¿Xiñee ridúʼyanu guibáʼ ca de gadxé gadxé color?

• ¿Xi ca color sicarú huayuuyaluʼ gaxha de ra lídxiluʼ?

• ¿Xiñee caquiiñeʼ cueenu tiempu para guidúʼyadxinu ca cosa sicarú bizáʼ Jiobá?