¿Pabiáʼ rusisácanu Stiidxaʼ Dios?

Biblia rusiidiʼ laanu guiráʼ ni racalaʼdxiʼ Jiobá ne ca conseju stiʼ, purtiʼ laa nga guníʼ xi guicá luni (2Pe 1:20, 21). Cumu rusiidiʼ Biblia zusihuinni Jiobá laasi nga napa derechu de guni mandar pur mediu de Reinu stiʼ la? riguixhedxini ladxidoʼno purtiʼ nánnanu maʼ cadi candaa zaca chaahuiʼ modo nabáninu riʼ. Laaca rusiidini laanu modo naca Jiobá, Bixhózenu ni nuu guibáʼ (Sl 86:15).

Guiranu rusisácanu Stiidxaʼ Dios pur stale razón. Peru, ¿ñee cusihuínninu risaca ni para laanu ora ridúʼndanu ni guiráʼ dxi la? ¿Ñee rúninu ni ná ca conseju zeeda luni lu xquendanabáninu la? Naquiiñeʼ gusihuínninu pur ni rúninu runi sentirnu casi biʼniʼ sentir hombre bicaa Salmo, laa guníʼ: «¡Guizáʼ nadxieeʼ ley stiuʼ!» (Sl 119:97).

DESPUÉ DE GÚʼYALUʼ VIDEU NI LÁʼ BISISÁCACABE BIBLIA: FRAGMENTU (WILLIAM TYNDALE), ZANDA GUICÁBILUʼ CA PREGUNTA RIʼ:

• 

  ¿Xiñee biʼniʼ traducir William Tyndale parte de Biblia?

• ¿Xiñee nabé risaca stipa bíʼnibe pur biʼniʼ traducirbe Biblia?

• ¿Ximodo guluucabe caadxi traducción stiʼ Biblia ni biʼniʼ traducir Tyndale ndaaniʼ guidxi Inglaterra?

• ¿Ximodo zanda gusihuínninu rusisácanu Stiidxaʼ Dios?