¿Xi rusiidiʼ ca canción ca laanu?

¿Xi canción stiʼ JW Broadcasting^® jma riuuláʼdxiluʼ ne xiñee? ¿Ñee rábiluʼ rusihuinni ca canción ca modo nabáninu la? Cumu nuu stale canción ne gadxé gadxé tema ne ritmu nápacani la? siempre ziuu tobi ni chuuláʼdxiluʼ. Peru ca canción riʼ cadi para gucaadiágasinu cani, ¿xiñee yaʼ?

Guiráʼ ca canción ca rusiidicani laanu modo guibáninu ne modo gúninu xhiiñaʼ Dios. Caadxi de ca canción ca caníʼcani de modo guidxaagalunu xcaadxi, chuʼnu tobi si, tu gaca xhamígunu, modo gácanu nadxibalú, gannaxhiinu ne gápanu fe. Xcaadxi de laacani caníʼ zanda guibiguetaʼ ca ni maʼ bixeleʼ de Jehová ra nuu, laaca nuu de laacani rusiidicani laanu guni perdonarnu, guzúʼbanu stiidxaʼ Dios guiráʼ dxi ne guyúbinu xcaadxi modo gúninu xhiiñabe. Dede nuu ti canción ni racané laanu iquiiñenu teléfono stinu jneza. ¿Xi maʼ biziidiluʼ ora rucaadiágaluʼ ca canción riʼ?

DESPUÉ DE GÚʼYALUʼ VIDEU MUSICAL NI LÁʼ MAʼ GAXHADÓʼ NUUNI, ZANDA GUICÁBILUʼ CA PREGUNTA RIʼ:

• ¿Xi promesa caníʼ ique guendaxheelaʼ riʼ? (Gé 12:3).

• ¿Xi zanda gúninu para cadi gusaana de guni crenu zuni Jehová guiráʼ ni maʼ guníʼ?

• ¿Tuu nga ca ni maʼ cadi candaa zadúʼyanu laacaʼ sti biaje?

• Ora guietenaláʼdxinu xi chiguni Reinu stiʼ Dios, ¿ximodo racaneni laanu guni huantarnu ca guendanagana ridxaagalunu yanna? (Ro 8:25).