Ni zanda guni estudiarluʼ
Biziidiʼ ca canción ni riquíʼñenu para guni adorarnu Dios
«Ora nuaaʼ triste riguu Jehová gana naa né ca canción stiʼ JW Broadcasting®» (Lorraine, Estados Unidos).
Siempre huayuundaʼ ca xpinni Cristu canción para guni adorarcaʼ Jehová (Col. 3:16). Pa guiziidiluʼ ca canción ca, zanda gacané ni lii ora que gápaluʼ gaxha ti libru ra zeeda ca canción ni ridúʼndanu para Jehová o ti dispositivu electrónicu ra zeeda ca ni. Raríʼ zeeda caadxi sugerencia ni zacané lii guiziidiluʼ ca ni.
Gulee tiempu para gúʼndaluʼ letra stiʼ ca canción ca ne biʼniʼ stipa guiéneluʼ ni. Ora riénenu ti cosa la? jma nagueenda rietenaláʼdxinu ni. Lu jw.org zeeda ca letra stiʼ guiráʼ ca canción ni nápanu dede né ca canción stiʼ JW Broadcasting ne zaqueca ca canción para ca xcuidi. Para ganda guidxélaluʼ ca ni la? guyé ra ná «Libru ne revista» ne despué ra ná «Saa».
Bicaa letra stini lu ti guiʼchiʼ. Nga zacané lii guiziidiluʼ ca canción ca (Deut. 17:18).
Biindaʼ ni en voz alta. Biindaʼ letra stini ne biindaʼ canción ca stale biaje.
Biiyaʼ pa maʼ biziidiluʼ ni. Biʼniʼ stipa guietenaláʼdxiluʼ letra ca sin gúʼyaluʼ ni, ne biiyaʼ pabiáʼ gunda bietenaláʼdxiluʼ.