¿Ñee maʼ nuuluʼ listu la?

¿Ñee nuuluʼ listu pa málasi guizaaca ti desastre natural neza ra nabézaluʼ la? Málasi nga raca xu, ridiʼdiʼ xiixa huracán, ricaguí xiixa guiʼxhiʼ o rilaahua neza ra nabézanu ne nabé runinácani laanu. Laaca nuu biaje runiná ca terrorista binni, ridinde binni guidxi o riasa xiixa epidemia o guendahuará malu lu intiica si lugar de lu Guidxilayú ne ora cadi cabézanu (Ec 9:11). Cadi guiníʼ íquenu qué ziuu dxi gaca ca ndiʼ neza ra nabézanu.

Guiranu caquiiñeʼ gúninu xiixa para chuʼnu listu ante guizaaca xiixa desastre (Pr 22:3). Neca racané xquidxi Jehová ora guizaaca xiixa desastre, laanu laaca naquiiñeʼ gúninu xiixa ti guni cumplirnu ne responsabilidad stinu (Gál 6:5).

DESPUÉ DE GÚʼYALUʼ VIDEU NI LÁʼ ¿XIMODO CHUʼNU LISTU ANTE GUIZAACA XIIXA DESASTRE NATURAL? ZANDA GUICÁBILUʼ CA PREGUNTA RIʼ:

• 

  Pa chuʼnu gaxha de Jehová, ¿ximodo zacané ndiʼ laanu ora guizaaca xiixa desastre?

• 

  ¿Xiñee risaca...

  • • ... gudiʼnu datu stinu ca ancianu ante guizaaca ti desastre, ne guinínenu laacabe ora maʼ cayácani ne despué de maʼ gúcani?

  • • ... gápanu ti mochila de emergencia? (g17.5-S yaza 6).

  • • ... guininu xi desastre zándaca guizaaca neza ra nabézanu ne xi zanda gúninu pa málasi guizaaca xiixa?

• 

  ¿Xi chonna modo zanda gacanenu xcaadxi ora guizaaca ti desastre?