Cadi guiniʼluʼ xiixa pa qué gánnaluʼ pa dxandíʼ ni

Guizáʼ nagueenda redandá noticia ra nuu guiráʼ binni pur periódicu, radiu, televisión ne Internet. Laanu, ca ni runi adorar «Dios ni dxandíʼ» qué racaláʼdxinu guininu xiixa ni cadi dxandíʼ neca sin gudiʼnu cuenta (Sl 31:5; Éx 23:1). Zanda guninanu tuuxa pa guininu xiixa ni cadi dxandíʼ. Para gánnanu pa dxandíʼ xiixa ni gunadiáganu, galán pa guinabadiidxanu laca laanu:

• ¿Ñee zanda guni crenu binni ni guniʼni la? Zándaca ni guniʼni ca qué ganna chaahuiʼ xi peʼ gucaʼ. Xiixa ni guiníʼ binni ne maʼ zireeche la? maʼ ziguchaa ni. Nga runi, caquiiñeʼ chuʼnu cuidadu pa dxandíʼ xiixa ante guininu. Guiráʼ hermanu nombradu caquiiñeʼ gácacabe binni ni riníʼ ni dxandíʼ, nga runi naquiiñeʼ chúʼcabe cuidadu cadi guiníʼcabe xiixa pa qué gánnacabe pa dxandíʼ ni.

• ¿Ñee zuninaluʼ tuuxa la? Pa zacá ni la? mejor cadi gábiluʼ ni stobi (Pr 18:8; Flp 4:8).

• ¿Ñee para guni crenu ni la? Cadi casi ziuunu guni crenu xiixa historia o experiencia ni gucaa laanu guidxagayaanu.

DESPUÉ DE GÚʼYALUʼ VIDEU NI LÁʼ ¡CADI GUDIIUʼ LUGAR SAʼ TI CHISME!, ZANDA GUICÁBILUʼ CA PREGUNTA RIʼ:

• 

  Casi ná Proverbios 12:18, ¿pabiáʼ zuninanu tuuxa pa guininu laa?

• 

  ¿Ximodo racané Filipenses 2:4 laanu guiníʼ íquenu ante guininu xiixa?

• 

  ¿Xi caquiiñeʼ gúninu ora maʼ cayuniná ni caníʼ tuuxa stobi?

• 

  ¿Xi caquiiñeʼ guinabadiidxanu ante guininu binni?