¿Ñee zanda gudiiluʼ tiempu ne stipa stiluʼ la?

Casi guníʼ profeta Isaías, yanna riʼ jma ziroobaʼ xquidxi Jehová ndaaniʼ Guidxilayú riʼ (Is 54:2). Nga runi, caquiiñeʼ cuí jma Yoo stiʼ Reinu, Salón de Asamblea ne xcaadxi edificiu ndaaniʼ ca sucursal ca. Ne cadi ngasi, laaca caquiiñeʼ guicaa cani mantenimientu ne gaca chaahuiʼ chupa chonna de laacani. Pa gacanenu lu ca dxiiñaʼ riʼ, casi ñaca cudiʼnu Jehová tiempu ne stipa stinu. Guidúʼyanu paraa zanda gacanenu:

• Zanda gacanenu grupu stinu para guiá Yoo stiʼ Reinu.

• Zanda guicaanu capacitación para gudiʼnu mantenimientu Yoo stiʼ Reinu.

• Zanda guchanu Solicitud de voluntario local de diseño y construcción (DC-50) para chigacanenu xiixa construcción ni cayaca gaxha de ra nabézanu o xiixa proyectu de mantenimientu.

• Zanda guchanu Solicitud para el programa de voluntarios (A-19) para gacanenu ti semana o jma Betel o xcaadxi lugar ra raca adorar Jehová ni nuu lu territorio stiʼ sucursal.

DESPUÉ DE GÚʼYALUʼ VIDEU NI LÁʼ TI PROYECTU DE CONSTRUCCIÓN NACUBI (FRAGMENTU), ZANDA GUICÁBITU CA PREGUNTA RIʼ:

• Dede lu iza 2014, ¿xiñee zidale ca videu ni riquiiñenu?

• Para ganda gaca jma videu, ¿xi proyectu de construcción chití ne padxí guiluxe ni?

• ¿Ximodo zanda gacané ca voluntariu lu proyectu riʼ?

• Pa nápanu gana chigacanenu construcción ni chigaca Rámapo, ¿xiñee caquiiñeʼ guchanu solicitud DC-50 ne chigacanenu lu ca proyectu stiʼ LDC raca gaxha de ra nabézanu?

• ¿Xiñee nánnanu napa proyectu riʼ ndaayaʼ stiʼ Jehová?

• ¿Ximodo zanda gacanenu proyectu riʼ pa qué zanda chuunu construcción stini?