MODO RÚNINU XHIIÑAʼ DIOS
Rusihuínninu guendarannaxhii lu ca asamblea regional ni rápanu
¿Xiñee guizáʼ riuuláʼdxinu chuunu ca asamblea regional ni rápanu? Purtiʼ cásica ndaaniʼ guidxi Israel, racá nga rusisácanu Jehová juntu né stale mil de hermanu. Ne laaca racá nga rizíʼdinu stale ne zanda guizaacanu ca xhamígunu ne familia stinu. Cumu rusisácanu ca asamblea riʼ la? rúninu stipa cadi guiáʼdxanu guionnaʼ gubidxa ca.
Ora chuunu ca asamblea riʼ, cadi guiníʼ íquesinu xi guiráʼ chiguicaanu, laaca zanda guiníʼ íquenu ximodo gusihuínninu nadxiinu xcaadxi (Gál 6:10; Heb 10:24, 25). Rusihuínninu ni ora cueenu lugar biaʼ caquiiñesinu o guxhélenu puertaʼ para tidiʼ tuuxa (Flp 2:3, 4). Laaca zanda gunibiaʼnu xcaadxi hermanu lu ca asamblea riʼ. ¿Xiñee qué guidxíñanu tuuxa ni qué runibiaʼnu? Zanda gúninu ni ante guzulú asamblea, ora guiluxe ni o galaa dxi (2Co 6:13). Zacá zanda guidxélanu xhamígunu ni qué ziuu dxi gusaana laanu. Ora guʼyaʼ binni dxandíʼ nadxiisaanu, zanda gucaani laa guni ni ná Jehová (Jn 13:35).
DESPUÉ DE GÚʼYALUʼ VIDEU NI LÁʼ CA ASAMBLEA INTERNACIONAL «QUÉ ZIUU DXI GUIRÁ GUENDARANNAXHII», ZANDA GUICÁBILUʼ CA PREGUNTA RIʼ:
¿Xi biʼniʼ ca hermanu para gusihuínnicaʼ guendarannaxhii ca delegadu ni guyé asamblea internacional lu iza 2019?
¿Xiñee ridxagayaa binni ora guʼyaʼ nuu xquidxi Dios tobi si ne nadxiisaacaʼ?
¿Xi guníʼ Grupu ni Zániru de guendarannaxhii?
¿Xi zanda gúniluʼ para gusihuínniluʼ guendarannaxhii lu ca asamblea ni rápanu?
¿Ximodo bisihuinni ca hermanu de Alemania ne Corea del Sur qué ziuu dxi guirá guendarannaxhii?
¿Xi maʼ gudixhe íquenu gúninu?