GUSÍʼDINU JMA JNEZA | GUYUU NAYECHEʼ RA GÚNILUʼ DISCÍPULO
Bisihuinni empatía
Empatía nga guiénenu ni caníʼ ique ti binni, guni sentirnu ni cayuni sentir, guiénenu xi cosa risaca para laa ne xi caquiiñeʼ. Rusihuínninu empatía ora riale de laanu gacanenu xcaadxi. Pa gúninu stipa guiénenu ca binni ni guni predicarnu cásica runi Jehová ni, zándaca chuuláʼdxicaʼ guiziidicaʼ de laabe (Flp 2:4).
Cadi ora si cusíʼdinu gusihuínninu empatía, laaca naquiiñeʼ gusihuínninu ni pur modo guininu, gucaadiáganu, ca gestu ni gúninu ne modo guniibi lunu. Ne nuu stale modo zanda gusihuínninu rizaaláʼdxinu binni, zanda gúninu ni ora gánnanu xi riuuláʼdxicaʼ ne xi qué riuuláʼdxicaʼ, xi runi crecaʼ ne ximodo nabánicaʼ. Laaca zanda gudiʼnu conseju ne gacanenu laacabe, peru sin guni obligarnu laacabe. Ora gudii ca binni ni guni predicarnu lugar gacanenu laacaʼ la? riuʼnu nayecheʼ.
DESPUÉ DE GÚʼYALUʼ VIDEU NI LÁʼ ZIUʼNU NAYECHEʼ RA GÚNINU DISCÍPULO. GUSÍʼDINU JMA JNEZA: GUSIHUÍNNINU EMPATÍA, ZANDA GUICÁBILUʼ CA PREGUNTA RIʼ:
¿Ximodo bisihuinni Rita riene ni cazaaca Coral ora yendá maʼ huadxí?
¿Ximodo bisihuinni Rita riene ni cayuni sentir Coral ora gudxi laabe qué zuni estudiar purtiʼ maʼ bidxaga?
Ora runi sentirnu ni runi sentir binni racaneni laacaʼ chuuláʼdxicaʼ guiziidicaʼ de Jehová.
¿Ximodo bisihuinni Rita riene ni cayuni sentir Coral ora gudxi laabe cadi organizada laa?