GUSÍʼDINU JMA JNEZA | GUYUU NAYECHEʼ RA GÚNILUʼ DISCÍPULO
Lagusiidiʼ ca estudiante stitu guni estudiarcaʼ stúbicaʼ
Para gunibiaʼ ca estudiante stinu Jehová ne gaca fe sticaʼ naguidxi caquiiñeʼ guiziidirucaʼ jma de lu Biblia (Mt 5:3; Heb 5:12–6:2). Naquiiñeʼ guiziidicabe guni estudiárcabe stúbicabe.
Dede ca primé biaje gudiiluʼ estudiu, bisiidiʼ estudiante ca gaca preparar dede ante ne guluu gana laabe gúnibe ni (mwb18.03 yaza 6). Bisiene laabe nabé risaca guni orarbe ante guni estudiarbe stúbibe. Gucané laabe iquiiñebe ca herramienta ni nápanu para guni estudiarnu ne gúʼndabe ca información ni jma nacubi ni nuu lu jw.org ne ni nuu lu JW Broadcasting®. Chaahuiʼ chaahuiʼ guluu gana laabe gúʼndabe Biblia guiráʼ dxi, gaca prepararbe para reunión ne guyúbibe ca respuesta stiʼ ca pregunta ni nápabe. Guluu gana laabe guiníʼ íquebe guiráʼ ni caziidibe.
DESPUÉ DE GÚʼYALUʼ VIDEU NI LÁʼ GACANENU CA ESTUDIANTE STINU GUIZIIDICAʼ GUNI ESTUDIARCAʼ STÚBICAʼ, ZANDA GUICÁBILUʼ CA PREGUNTA RIʼ:
¿Ximodo gucané Rita Coral guiene guni estudiar tuuxa qué riníʼ diʼ ni naquiiñeʼ si gana ca respuesta ca?
¿Xi gucané Coral guiene jneza nga rinabaʼ Jehová laanu cadi guni practicarnu inmoralidad sexual?
Bisiidiʼ ca estudiante stiluʼ guni estudiarcaʼ ne gúnicaʼ ni caziidicaʼ.
¿Ximodo biziidiʼ Coral guni meditar?