MODO RÚNINU XHIIÑAʼ DIOS
¿Xi rizíʼdinu de Samuel?
Qué nusaana Samuel Jehová biaʼ dxi bibani. Dxi nahuiinibe qué ñuuláʼdxibe ñácabe casi Hofní ne Finehás, ca xiiñiʼ Elí, purtiʼ qué ñúnicaʼ ni jneza (1Sa 2:22-26). Ne ra ziniisi Samuel qué nusaana Jehová de ñacané laa (1Sa 3:19). Ne dxi maʼ nagólabe, bizuubarube stiidxaʼ Jehová neca qué ninanda ca xiiñibe ejemplu stibe (1Sa 8:1-5).
¿Xi rusiidiʼ ejemplu stiʼ Samuel laanu? Naquiiñeʼ ganna dxichi ca joven riene Jehová ca guendanagana ridxaagalucaʼ ne nánnabe xi runi sentircaʼ. Laaca racanebe laacaʼ gácacaʼ nadxibalú (Is 41:10, 13). Zanda gacané ejemplu stiʼ Samuel ca padre ni napa xiiñiʼ ni maʼ bixeleʼ de Jehová purtiʼ qué ñuni obligar Samuel ca xiiñiʼ chinándacaʼ ca ley stiʼ Dios. Bisaana Samuel ni cadiʼdiʼ que lu ná Jehová, qué nixélebe de laa ne bisiéchebe ladxidóʼ. Zándaca ejemplu stiʼ ca padre ca gucaani xiiñicaʼ guibiguétacaʼ ra nuu Jehová.
DESPUÉ DE GÚʼYALUʼ VIDEU NI LÁʼ NI RUSIIDIʼ EJEMPLU STÍCABE LAANU: SAMUEL, ZANDA GUICÁBILUʼ CA PREGUNTA RIʼ:
¿Ximodo bisihuinni Samuel guca nadxibalú dxi nahuiiniʼ?
¿Ximodo bisihuinni Danny nadxibalú?
¿Xi ejemplu galán bisaana Samuel dxi maʼ nagola?
Racané Jehová ca ni qué rusaana de guni ni jneza.
¿Xi ejemplu galán bisihuinni bixhoze ne jñaa Danny?