Zaluxe ca prueba stinu

Pa guindaa xiixa prueba ni gápanu, zanda cuee ni gana laanu. Gunna David qué zandaa guendanagana napané Saúl ne zaca rey casi maca gudxi Jehová laa (1Sa 16:13). Gucané fe stiʼ David laa gapa paciencia ne cueza guni Jehová xiixa.

Ora cadídinu lu xiixa prueba, zanda gácanu binni nuu xpiaaniʼ ne iquiiñenu ni maʼ nánnanu para guyúbinu modo guni chaahuinu guendanagana ca (1Sa 21:12-14; Pr 1:4). Peru cadi guiráʼ biaje riree ca guendanagana stinu neca maʼ yenándanu ca principiu ni zeeda lu Biblia. Ora guizaacanu nga, naquiiñeʼ gápanu paciencia ne cuézanu guni Jehová xiixa. Maʼ cadi candaa, zabeebe guiráʼ ca guendanagana ni rucaa laanu guni sufrirnu ne «zuchaabe nisa riete» lunu (Ap 21:4). Zándaca guiree xiixa prueba ni nápanu purtiʼ biʼniʼ Jehová xiixa o pur xcaadxi razón, peru cadi guiaandaʼ ndiʼ laanu: zaluxe ca prueba stinu. Ne ratadxí ladxidoʼno gánnanu ni.

DESPUÉ DE GÚʼYALUʼ VIDEU NI LÁʼ NUUNU TOBI SI NECA NUUDINDE BINNI, ZANDA GUICÁBILUʼ CA PREGUNTA RIʼ:

• ¿Xi guendanagana bidxaagalú stale Testigu ni guleza ladu sur stiʼ Estados Unidos?

• ¿Ximodo bisihuínnicabe nápacabe paciencia ne nadxiisaacabe?

• ¿Xii nga ni jma risaca para ca hermanu riʼ? (Flp 1:10).