MODO RÚNINU XHIIÑAʼ DIOS
Racané Jehová laanu guni huantarnu ca prueba tídinu
Lu ca últimu dxi riʼ, guiranu ridxaagalunu prueba nabé nagana. Dede ruluíʼ maʼ qué zanda guni huantarnu. Peru pa qué gusaana de guyúbinu gacané Jehová laanu, zanda guni huantarnu dede ca prueba jma naná (Is 43:2, 4). Pa cadídinu xiixa guendananá, ¿xi zacané laanu guidxíñanu jma gaxha de Jehová yaʼ?
Guni orarnu. Pa guxhélenu ladxidoʼno nezalú Jehová, zudiibe laanu paz stibe ne stipa ni caquiiñenu para guni huantarnu (Flp 4:6, 7; 1Te 5:17).
Chuunu reunión. Yanna peʼ nga jma caquiiñenu guendaró espiritual ne cuʼ ca hermanu stinu gana laanu lu ca reunión rápanu (Heb 10:24, 25). Ora raca preparar chaahuinu, ora qué riáʼdxanu reunión ne runi participarnu luni, racané espíritu stiʼ Jehová laanu (Ap 2:29).
Guni predicarnu. Pa gúninu stipa cadi gusaana de guni predicarnu, jma zaníʼ íquenu cosa ni uguu gana laanu. Ne jma zaroobaʼ amistad napanenu Jehová ne ca hermanu, purtiʼ runinenu laacabe dxiiñaʼ (1Co 3:5-10).
DESPUÉ DE GÚʼYALUʼ VIDEU NI LÁʼ ZAPA JEHOVÁ LII, ZANDA GUICÁBILUʼ CA PREGUNTA RIʼ:
¿Xi gucané Malu cadi guixeleʼ de Jehová?
¿Ximodo zanda quixhedxí Salmo 34:18 ladxidoʼno cásica gudixhedxini ladxidóʼ Malu?
¿Ximodo rusihuinni ni bizaaca Malu rudii Jehová laanu poder ni jma nadipaʼ ora cadxaagalunu guendanagana? (2Co 4:7).