Biquiiñeʼ jw.org para guyúbiluʼ conseju ni zacané lii

Racané Stiidxaʼ Dios laanu para gudxíʼlunu ca guendanagana ni nuu lu ca últimu dxi riʼ (2Ti 3:1, 16, 17). Peru nuu tiru caquiiñenu ti conseju ora cazaacanu xiixa. Nuu tiru riquiiñeʼ binni xiixa conseju para gusiniisi ca xiiñiʼ, ni zanda gacané laa gatadxí ladxidóʼ pa guti xheelaʼ. Ne pa joven lii la? zándaca cadxaagaluluʼ xiixa prueba ni gusihuinni pa naguidxi nuu fe stiluʼ. Lu jw.org zeeda caadxi tema ni né conseju ni biree de lu Biblia ni zacané ca binni cazaaca ni bizéʼtenu riʼ ne para xcaadxi guendanagana (Pr 2:3-6).

Lu página de inicio stiʼ jw.org, guyé ra ná «Ca ni rusiidiʼ Biblia» ne gulí ti tema ni jma riuuláʼdxiluʼ (imagen 1). O guyé ra ná «Libru ne revista», de racá guyé lu «Catálogo ra nuu stale tema» ne gulí ti tema ni jma riuuláʼdxiluʼ (imagen 2). Laaca zadxélaluʼ ni lu JW Library^®.a Galán pa ñuuyaluʼ ca tema ni zeeda luni. Laaca zanda guyúbiluʼ ti tema ni caquiiñeluʼ lu buscador (lupahuiiniʼ stiʼ jw.org).

Bicaa ca tema ni zeeda raríʼ lu buscador ne bicaa gunáʼ de laacani ñuuláʼdxiluʼ ñuundaluʼ:

• Gusiniisiluʼ ca xiiñiluʼ

• Ni zacané ca joven

• Ora gatiʼ xheelaʼ binni