Ti ejemplu galán ni zacané laanu guni capacitarnu xcaadxi

[Bitiidiʼ videu ni láʼ Binibiáʼ libru stiʼ 2 Reyes].

Biiyaʼ Eliseo Elías ora cayuni ti milagru (2Re 2:8; w15 15/4 yaza 13 párr. 15; biiyaʼ imagen ni zeeda lu portada).

Guca Eliseo humilde ne biʼniʼ ni biziidiʼ (2Re 2:13, 14; w15 15/4 yaza 13 párr. 16).

Cucaadiaga ti ancianu modo cayuni practicar ti hermanu discursu stiʼ ne nuxhélebe folletu «Gusíʼdinu ne guidúʼndanu jma jneza».

Maʼ bidii Jehová ca ancianu dxiiñaʼ de guni capacitarcaʼ xcaadxi (2Ti 2:2). Pa racalaʼdxiʼ ca ancianu gacanecaʼ lii para guicaaluʼ jma dxiiñaʼ ndaaniʼ congregación la? yenanda ni gábicabe lii, guca humilde ne biʼniʼ xhiiñaluʼ jneza.