MODO RÚNINU XHIIÑAʼ DIOS
Biyubi gánnaluʼ xi riníʼ ique Jehová
Cumu racaláʼdxinu gusiéchenu ladxidóʼ Jehová la? naquiiñeʼ guyúbinu gánnanu xi riníʼ íquebe ante guicaanu xiixa decisión, dede ora cadi cá peʼ lu Biblia xi peʼ naquiiñeʼ gúninu (Pr 27:11). ¿Ximodo zanda gúninu ni yaʼ?
Guni estudiarnu Biblia guiráʼ dxi. Cada guidúʼndanu Biblia, zeeda gaca ni casi ñuínenu Jehová diidxaʼ. Ora guidúʼyanu modo biʼniʼ tratarbe xquídxibe ne guiníʼ íquenu ca ejemplu galán ne ni cadi galán zeeda lu Biblia, zacané ni laanu gunibiaʼnu modo riníʼ ique Jehová. Zacá zusietenalaʼdxiʼ espíritu santu laanu xiixa ni maʼ bidúʼndanu o xiixa principiu ni zacané laanu guicaanu decisión jneza (Jn 14:26).
Guni investigarnu. Ante guicaaluʼ ti decisión, galán guiníʼ íqueluʼ ndiʼ: «¿Xi versículo o xi relatu zeeda lu Biblia zanda gacané naa gannaʼ xi riníʼ ique Jehová de ni chiguneʼ?». Gunabaʼ Jehová gacané lii ne biquiiñeʼ ca publicación ni nuu lu stiidxaluʼ para ganda chinándaluʼ ca principiu zeeda lu Biblia ni gacané lii lú ni cadíʼdiluʼ (Sl 25:4).
DESPUÉ DE GÚʼYALUʼ VIDEU NI LÁʼ NAQUIIÑEʼ GUXÓʼÑENU SIN GUIDXÁGANU: CAQUIIÑEʼ GUIDÓʼ CHAAHUINU, ZANDA GUICÁBILUʼ CA PREGUNTA RIʼ:
¿Xi guendanagana bidxagalú hermanahuiiniʼ bidúʼyanu lu videu riʼ?
¿Ximodo zanda gacané ca publicación stinu laanu ora guidxaagalunu ti guendanagana casi gupa hermanahuiiniʼ ca?
¿Xi ribeendunu ora cueenu tiempu para guni estudiarnu ne guni investigarnu ante guicaanu ti decisión? (Heb 5:13, 14).