MODO RÚNINU XHIIÑAʼ DIOS

¿Ñee nuuluʼ listu pa málasi gueeda guiaadxaʼ bueltu la?

¿Xiñee qué ridxagayaanu zeʼ dxi jma maʼ qué rugaanda bueltu para tidiné binni dxi lu guidubi Guidxilayú? Purtiʼ maʼ nabáninu ra maʼ ziluxe ca últimu dxi stiʼ guidxilayú riʼ, ne Biblia caguixhená binni: «Cadi quíxhecaʼ esperanza sticaʼ lu ca cosa risaca ni nápacaʼ» (1Ti 6:17; 2Ti 3:1). ¿Ximodo racané ejemplu stiʼ rey Jehosafat chuʼnu listu pa málasi gueeda guiaadxaʼ bueltu yaʼ?

Ora bicaalú ca guidxi enemigu que Jehosafat, gúpabe confianza Jehová (2Cr 20:9-12). Peru dede ante bíʼnibe xiixa para gápabe ca guidxi que, gundísabe muru stícani ne guluube soldadu para gapa ca ni (2Cr 17:1, 2, 12, 13). Laanu laaca galán gápanu confianza Jehová ne guyúbinu chuʼnu listu ante gueeda ca dxi jma nagana.

¿XIMODO CHUʼNU LISTU PA MÁLASI GUEEDA GUIAADXAʼ BUELTU?

Biʼniʼ stipa chuʼluʼ jma gaxha de Jehová. Biziidiʼ guibániluʼ nayecheʼ ne ni napa siouʼ ne gupa confianza zanda gudii Jehová lii ni tidineluʼ dxi (Mt 6:26; 1Ti 6:8). Biʼniʼ stipa cadi gucheeneluʼ ca principiu zeeda lu Biblia ora guiaadxaʼ ni caquiiñeluʼ (Ro 2:21). Gudixhe chaahuiʼ xi zanda gúniluʼ para cadi guiaadxaʼ guendaró espiritual lii pa málasi cheʼ biaaniʼ o internet. Zanda gápaluʼ caadxi publicación lu guiʼchiʼ o dede ca yanna biʼniʼ descargar caadxi de laacani.

Guluu listu guiráʼ ni iquiiñeluʼ. Biʼniʼ stipa cadi guzaabiluʼ bueltu ne cadi siluʼ ni cadi caquiiñeluʼ ante guedandá ca dxi jma nagana (Pr 22:7). Pa zanda la? guluu chaahuiʼ guendaró ni qué raca feu ne xcaadxi cosa ni zaquiiñeluʼ. Nuu lugar la? rudxiibacabe verdura para cadi gúnicabe stale gastu.

DESPUÉ DE GÚʼYALUʼ VIDEU NI LÁ ¿ÑEE NUULUʼ LISTU PARA ORA GUIZAACA XIIXA EMERGENCIA LA? ZANDA GUICÁBILUʼ CA PREGUNTA RIʼ:

Imagen ni zeeda lu videu «¿Ñee nuuluʼ listu para ora guizaaca xiixa emergencia la?». Dibuju stiʼ ti Biblia, ti mochila de emergencia ne ti celular, ne caadxi binni ni cayuni dxiiñaʼ lu construcción.

¿Ximodo chuʼluʼ listu ora gueeda guizaaca xiixa emergencia?

Bicaa respuesta stiluʼ

Imagen ni zeeda lu videu «¿Ñee nuuluʼ listu para ora guizaaca xiixa emergencia la?». Dibuju ra rihuinni caadxi hermanu cayacanecaʼ lu labor de socorro. Nuu de laacaʼ cayacanecaʼ lu construcción ne xcaadxi de laacaʼ candetecaʼ caja ndaaniʼ ti camioneta.

¿Ximodo zanda chuʼluʼ listu para gacaneluʼ xcaadxi?

Bicaa respuesta stiluʼ