MODO RÚNINU XHIIÑAʼ DIOS

Gucané ca binni ni qué gapa religión gunibiaʼcaʼ Dios ni bizáʼ guiráʼ ni nuu

¿Ñee guyuu biaje qué ninaluʼ ñuni predicarluʼ ti binni ni qué gapa religión purtiʼ guníʼ íqueluʼ qué zucaadiágabe lii la? Pa nga nga ni bizaacaluʼ, cadi guiaandaʼ lii stale binni ni naca Testigu yanna, dxiqué qué ñápacaʼ religión, dede nuu de laacaʼ qué lica ñuni crecaʼ pa nuu Dios. Peru cumu guyuu tu biluíʼ laacabe ca prueba ni rusihuinni dxandíʼ nuu Dios la? biʼniʼ crécabe (Ro 1:20; 10:14).

DESPUÉ DE GÚʼYALUʼ VIDEU NI LÁʼ CADI GUIAANDAʼ LII: CA NI QUÉ GAPA FE ZANDA GÁPACAʼ FE. CA BINNI NI QUÉ GAPA RELIGIÓN, ZANDA GUICÁBILUʼ PREGUNTA RIʼ:

¿Ximodo racané experiencia stiʼ Tommaso lii guni predicarluʼ ca binni ni qué gapa religión?

Respuesta

Ni zanda gúniluʼ

Pa guiníʼneluʼ ti binni ni qué runi cré Dios la? guca nachaʼhuiʼ, guníʼ né diidxaʼ nadóʼ, bicaadiaga chaahuiʼ xi riníʼ íquebe ne xi runi sentirbe (2Ti 2:24). Guniʼné laabe de xiixa tema ni ziuuláʼdxibe. Pa gúʼyaluʼ racaláʼdxibe gánnabe tu bizáʼ guiráʼ ni nuu la? biquiiñeʼ ca publicación ne videu ni cusiene de tema ca. Casi folletu ¿Es la vida obra de un Creador? ne El origen de la vida. Cinco cuestiones dignas de análisis, nuu ca folletu riʼ lu kit de enseñanza ti guidxélaluʼ ca ni jma nagueenda.

Pa ridxíbiluʼ guni predicarluʼ ti binni ni qué runi cré Dios la? gunabaʼ ti hermanu o hermana ni maʼ napa experiencia gacané lii. Zacané Jehová lii chindaluʼ ndaaniʼ ladxidóʼ ca binni ni nachaʼhuiʼ, neca yanna riʼ nuu de laacaʼ qué runi crecaʼ Dios (Hch 13:48).