¿Ñee rucaadiaga Dios ca oración la?
Ora runi orarluʼ, ¿ñee runi creluʼ rucaadiaga Dios lii la?
¿XI RUSIIDIʼ BIBLIA?
Rucaadiaga Dios lii. Biblia ná «nuu Jehová gaxha de guiráʼ ca ni rucaa ridxi laa, de guiráʼ ca ni dxandíʼ rucaa ridxi laabe [...]; rucaadiágabe ora guinábacaʼ gacanebe laacaʼ» (Salmo 145:18, 19).
Racalaʼdxiʼ Dios guni orarluʼ laa. Biblia cayabi laanu: «Lu intiica ni cadíʼditu lagabi Dios xi caquiiñetu, laguni orar, laguni rogar ne lagudii xquixe peʼ laa» (Filipenses 4:6).
Dxandíʼ rizaalaʼdxiʼ Dios lii. Nanna Dios xi guendanagana cadxaagaluluʼ ne xi naguu xizaa lii, ne racaláʼdxibe gacanebe lii. Biblia ná zanda gulaaluʼ «guiráʼ ni riguu xizaa» lii luguiabe, purtiʼ rizaaláʼdxibe lii (1 Pedro 5:7).