¡Zanda gusaana de gaca nanaláʼdxinu binni!

Pa coʼ la? zándaca huayuuyaluʼ ximodo nanaláʼdxicabe ca binni nuu gaxha de lii. Ne lu ca noticia ridúʼyanu ximodo nanaláʼdxicabe binni pur guidxi stiʼ, pur raza stiʼ o purtiʼ naca muxeʼ o gunaa nguiuʼ. Nga runi stale gobiernu ribee ley para guni castigar tuuxa ni guniná ca binni riʼ.

Ora nanaláʼdxicabe ti binni, jma rucaani laa gaca nanalaʼdxiʼ stobi. Purtiʼ ca binni ni maʼ bininácabe riʼ nuu biaje ruquixe laacabe ni maʼ bíʼnicabe laa.

Zándaca guyuu hora huayúnicabe menu lii, huayuni búrlacabe, huaguudícabe ne huayuni amenazárcabe lii. Ne nuu biaje de tantu nanaláʼdxicabe ti binni la? dede runinácabe laa, riguíñecabe laa, rilaaxoocabe ne dede ruuticabe laa.

Revista riʼ cusiene xi zanda gúninu para cadi gaca nanaláʼdxinu stobi ne zacábini ca pregunta riʼ:

• ¿Xiñee raca nanaláʼdxisaa binni?

• ¿Xi zanda guni binni para cadi gaca nanalaʼdxiʼ stobi?

• ¿Ñee zedandá dxi maʼ qué zaca nanalaʼdxiʼ binni la?