¿Ñee nannuʼ ni la?
¿Xiñee bidii Jehová lugar gudii ca israelita que guuguhuiiniʼ ne paloma casi sacrificiu?
LEY ni bidii Jehová Moisés que ná zanda gudii ca israelita que guuguhuiiniʼ ne paloma casi ofrenda. Lu ley ni caníʼ de sacrificiu que nabé riete de guiropaʼ manihuiiniʼ riʼ. Zanda gudii ca israelita que tobi de ca manihuiiniʼ riʼ (Lev. 1:14; 12:8; 14:30). Gucané ley que ca israelita purtiʼ cadi guiráʼ biaje ridxélacabe guuguhuiiniʼ. Guidúʼyanu xiñee.
Guuguhuiiniʼ
Ca guuguhuiiniʼ ca nga ti clase manihuiiniʼ ni ripapa, ni guyuu ndaaniʼ guidxi Israel lu ca beeu nandáʼ. Lu beeu octubre (otoño), rié ca manihuiiniʼ riʼ ladu sur, ndaaniʼ ca guidxi ra nandáʼ ne ribiguétacame ndaaniʼ guidxi Israel lu primavera (Cant. 2:11, 12; Jer. 8:7). Ngue runi, tiempu nananda, raca nagana para ca israelita guidxélacaʼ guuguhuiiniʼ para gudiicaʼ sacrificiu.
Paloma stiá
Peru ca paloma que, qué riécame sti ladu ne nadóʼcame, ngue runi zanda guidxélacabe laacame ndaaniʼ guidxi Israel ora tiica si (bichaaga ni né Juan 2:14, 16). Ti libru ná ndaaniʼ ca guidxi ne guidxihuiiniʼ ni nuu nezaqué, «rapa binni paloma ra lidxi. Guiráʼ ca yoo que gupa ca ni ti huecu lu pader stícani, raqué nga biʼniʼ ca paloma que lídxicaʼ» (bichaaga ni né Isaías 60:8).
Ti paloma ni nuu ndaaniʼ lidxi
¿Xi rusiidiʼ ndiʼ laanu de Jehová? Rusiidiʼ ni laanu nácabe ti Dios ni rannaxhii ne ni riene binni, purtiʼ bidiibe lugar gudii ca israelita que laabe manihuiiniʼ ni guidxélacaʼ ora tiica si.