Ni zanda guni estudiarluʼ
¿Ñee huayuuyaluʼ ximodo rusiénecabe caadxi textu stiʼ Biblia ni zeeda lu folletu Ca tema ni huabee ca testigu stiʼ Jiobá la?
Modo rusiénecabe ca textu riʼ zanda gacané ni lii gunibiáʼ chaahuiluʼ Stiidxaʼ Dios. Lúcani riete padxí gucuá ti versículo stiʼ Biblia, xiñee gucuá ni, tu para gucuá ni o xi riníʼ chupa chonna diidxaʼ zeeda lu versículo ca.
Pa riquiiñeluʼ BIBLIOTECA EN LÍNEA Watchtower™ o riquiiñeluʼ JW Library®, zanda gúʼyaluʼ ca ni zeeda lu folletu Ca tema ni huabee ca testigu stiʼ Jiobá ora ruxhéleluʼ ti versículo ni zeeda lu Biblia. Zadxélaluʼ ca referencia riʼ lu sección de estudiu stiʼ ca Biblia ni maʼ bi’ni’ descargarluʼ.
Ora iquiiñeluʼ ca referencia riʼ, biiyaʼ modo nexheʼ chaahuiʼ ca ni. Ca artículo jma nacubi nga ca ni zeeda primé. Laga ziyételuʼ, zadxélaluʼ artículo jma nayooxhoʼ. Cadi guiaandaʼ lii zándaca nuu de laacani maʼ xadxí de bireecani.
Casi guxhéleluʼ BIBLIOTECA EN LÍNEA Watchtower, zuuyaluʼ ca referencia ni zeeda lu folletu Ca tema ni huabee ca testigu stiʼ Jiobá.
Para ganda gúʼyaluʼ ca referencia riʼ lu JW Library, caquiiñeʼ guni descargarluʼ folletu Ca tema ni huabee ca testigu stiʼ Jiobá ne ca actualización jma nacubi nuu. Para ganda gúniluʼ ni la? caquiiñeʼ gudiiluʼ clic lu botón ni rihuinni luguiáʼ de cada sección de estudiu stiʼ intiica capítulo stiʼ Biblia.