Ni zanda guni estudiarluʼ

Gunna jma de modo naca Jehová

Ora gúʼndanu Biblia naquiiñeʼ guni investigarnu para gánnanu jma. Peru cadi gúninu ni para gánnasinu stale cosa. Ni racaláʼdxinu nga gánnanu jma de Jehová ne nga zacané laanu gannaxhiinu laabe. Ne para ganda gúninu ni la? galán guiníʼ íquenu ndiʼ: «¿Xi rusiidiʼ relatu riʼ naa de Jehová yaʼ?».

Ora gúʼndaluʼ ni, galán gúʼyaluʼ ximodo rusihuinni Jehová guidapaʼ cualidad jma risaca stiʼ: guendarannaxhii, guendanuuxpiaaniʼ, justicia ne poder. Peru nuuruʼ xcaadxi cualidad ni rusihuinni modo naca Jehová. ¿Paraa zanda guidxélaluʼ información para gunibiáʼ chaahuiluʼ Jehová yaʼ?

Lu Índice de las publicaciones Watch Tower zadxélaluʼ jma de 50 cualidad ni napa Jehová. Guyé ra ná «Jehová» ne despué ra ná «Cualidades por nombre». Biyubi xi cualidad stiʼ Jehová ruzeeteʼ relatu ni cayuundaluʼ ca ne biindaʼ chaahuiʼ ni (pa Ca tema ni huabee ca testigu stiʼ Jiobá, si nga nápaluʼ la? guyé ra ná «Jiobá» ne despué ra ná «Ca guenda stiʼ Jiobá»).