Ximodo zanda guidxélaluʼ ca perla ni zeeda lu Biblia ni zacané lii

Ora maʼ cadúʼndanu Biblia, naquiiñeʼ guni investigarnu para guidxélanu ca perla ni zeeda luni. Peru ¿xi zanda gúninu para cueendunu ni galán ora maʼ cayuni estudiarnu yaʼ?

Guyúbinu guizíʼdinu jma de ni cadúʼndanu. Casi: ¿Tu bicaa relatu riʼ, padxí ne tu para bicaacabe ni? ¿Xi cazaaca tiempu bicaacabe ni? ¿Xi bizaaca ante ne despué?

Guiníʼ íquenu xi rusiidiʼ ni laanu. Guyúbinu respuesta stiʼ ca tipu pregunta riʼ: «¿Ximodo biʼniʼ sentir ca binni ni riete lu relatu riʼ? ¿Xi cualidad bisihuínnicabe ne xiñee naquiiñeʼ chinandaʼ ejemplu stícabe? ¿Xi cosa cadi galán bíʼnicabe ne xiñee cadi naquiiñeʼ guneʼ ni?».

Gúninu ni cazíʼdinu. Zanda gúninu ni ora guni predicarnu o ra guidxaaganu tuuxa binni. Zacá zinándanu ni ná Salmo 107:43: «Ti binni nuu xpiaaniʼ qué ziaandaʼ laa ca cosa riʼ».

• Ni zanda gúniluʼ: Lu reunión ni rápanu ndaaniʼ semana nuu ti sección ni láʼ «Ca tesoro zeeda lu Biblia», nabé racané ni laanu para guiníʼ íquenu ximodo zanda gúninu ni cazíʼdinu, biiyaʼ ximodo zanda gacané sección ca lii. Luni zeeda caadxi pregunta ni zanda guiníʼ íquenu ne caadxi imagen ni rusiidiʼ laanu xiixa.