Guniʼné xcaadxi de ni caziidiluʼ de lu Biblia

Nabé riuʼnu gana ora ridúʼndanu Biblia, peru jma riuʼnu gana ora rábinu xcaadxi ca cosa risaca ni rizíʼdinu luni. Proverbios 11:25 ná: «Ti binni […] ni racané xcaadxi, laaca zacanécabe laa».

Pa guinínenu xcaadxi binni de ni cazíʼdinu, jma nagueenda zietenaláʼdxinu ni ne jma ziénenu ni. Laaca ziuʼnu nayecheʼ purtiʼ cayacanenu xcaadxi binni iguidxi fe sticaʼ (Hech. 20:35).

Biʼniʼ stipa gúniluʼ ndiʼ: Sti semana ca biʼniʼ stipa guiníʼneluʼ tuuxa de xiixa ni biziidiluʼ. Zanda gácabe ti familia stiluʼ, ti hermanu de congregación, tuuxa ni runineluʼ dxiiñaʼ o ni rineluʼ scuela, ti vecinu stiluʼ o tuuxa ni guidxélaluʼ lu predicación. Ne ora guiníʼneluʼ laabe la? bíʼnini né diidxaʼ ni guiénebe, casi ñaca cayuíʼneluʼ laabe diidxaʼ.

Cadi guiaandaʼ ndiʼ lii: Rinínenu xcaadxi de ni cazíʼdinu cadi para gúʼyacabe pabiáʼ nánnanu, sínuque para uguʼnu gana laacabe (1 Cor. 8:1).