¿Xiñee dede yanna cayaca guerra ne cadinde binni?
Biblia cayabi laanu xiñee raca guerra ne ridinde binni ne laaca cusiéneni xiñee dede yanna cayaca cani.
NÁCANU BINNI RUCHEE
Dxi bizáʼ Dios Adán ne Eva, bizaʼbe laacaʼ casi laabe, nga riníʼ zanda gusihuínnicabe ca cualidad stiʼ Dios ni bizáʼ laacabe, casi guendarannaxhii ne guendariuudxi (Génesis 1:27; 1 Corintios 14:33; 1 Juan 4:8). Peru despué, qué nuzuubacabe stiidxaʼ Dios ne bicheecabe. Ne cumu guiranu nga zanu de laacabe la? laaca gúcanu binni ruchee ne pur nga rátinu (Romanos 5:12). Pur pecadu ca, nuu biaje riníʼ íquenu jneza nga gucaalunu tuuxa ne nga gucaa laanu chuuláʼdxinu tíndenu (Génesis 6:5; Marcos 7:21, 22).
CA GOBIERNU NUU LU GUIDXILAYÚ
Cadi bizáʼ diʼ Dios laanu para guni mandarnu laca laanu. Biblia ná «cadi lu náʼ diʼ binni nuu guni mandar ra guzuhuaa ñee» (Jeremías 10:23). Ne pur nga qué ganda gunduuxeʼ ca gobiernu ca guerra ne ca guendaridinde ni cayaca.
BINIDXABAʼ NE CA DEMONIO STIʼ
Biblia ná «guidubi guidxilayú riʼ nuuni lu náʼ Binidxabaʼ» (1 Juan 5:19). Naca Binidxabaʼ enemigu stiʼ Dios ne laca laabe nga Diablu, nabé malu laabe, qué riabe binni ne dede rucaabe laacaʼ gutisaacaʼ (Juan 8:44). Laabe ne ca demonio stibe rucaacabe binni guni cosa malu ne pur nga ridíndecaʼ ne raca guerra (Apocalipsis 12:9, 12).
Laanu qué zanda cueenu ca guerra ne ca guendaridinde ni cayaca, peru Dios zanda gúnini.