Biʼniʼ preparar ladxidoʼloʼ

Ora runi estudiarnu Biblia, ni racaláʼdxinu nga chindá ni cazíʼdinu de Jehová ndaaniʼ ladxidoʼno, xquendabiaaninu, ni runi sentirnu ne ni racaláʼdxinu gúninu. Galán chinándanu ejemplu stiʼ Esdras, purtiʼ laa biʼniʼ preparar «ladxidóʼ para guʼyaʼ xi ná Ley stiʼ Jehová» (Esd. 7:10). ¿Ximodo zanda chinándaluʼ ejemplu stibe yaʼ?

Biʼniʼ orar. Ante guzulú guni estudiarluʼ, gunabaʼ Jehová gacané lii guiéneluʼ ni chiguundaluʼ ne gúniluʼ ni guiziidiluʼ (Sal. 119: 18, 34).

Guca humilde. Rucaachiʼ Dios ca cosa ni dxandíʼ de binni ni naca orgulloso ne ni ná nuu xpiaaniʼ (Luc. 10:21). Cadi guni investigarluʼ para si guidxagayaa xcaadxi. Ne pa ra cayuundaluʼ gudiiluʼ cuenta nuu ra caquiiñeʼ guchaaluʼ la? guca humilde ne biʼniʼ stipa guchaaluʼ.

Bicaadiaga ca canción stinu. Zanda guchaa música modo runi sentirnu, nga runi pa gucaadiáganu ti canción ante guni estudiarnu Biblia la? zanda gacaneni laanu gaca concentrarnu lu ni cayabi Jehová laanu, ti ganda chindá ni guizíʼdinu ndaaniʼ ladxidoʼno.