Nabé cucuaagucabe binni ra scuela | ¿Xi caníʼ Biblia de laani?

Martes 24 de mayo de 2022, bizaaca ti desgracia naroʼbaʼ ndaaniʼ ti guidxihuiiniʼ ni láʼ Uvalde (Texas, Estados Unidos). Lu periódicu The New York Times, riete «bicuaagu ne biiti ti hombre 19 xcuidihuiiniʼ ne chupa maestra […] ndaaniʼ scuela primaria Robb».

Triste guininu ni, peru gatigá runadiáganu rizaaca ca cosa feu riʼ. Lu periódicu USA Today biete ndaaniʼ si guidxi Estados Unidos «biree tiru ndaaniʼ 249 scuela lu iza gudiʼdiʼ ca. Jma que biaʼ ni huayaca dede lu iza 1970».

Peru ¿xiñee rizaaca ca desgracia riʼ yaʼ? ¿Xi zanda gacané laanu gudxíʼlunu yuubaʼ ni rusaana ca desgracia ca? ¿Ñee zanda guni crenu zedandá dxi maʼ qué ziuu binni malu la? Lu Biblia zadxélaluʼ respuesta stiʼ ca pregunta ca.

¿Xiñee jma malu binni tiempu riʼ?

•  Biblia cayabi laanu maʼ nabáninu «lu ca últimu dxi» purtiʼ maʼ cadi nadxiisaa binni, nadúxhucaʼ, runinacaʼ ne qué riacaʼ xcaadxi. Laaca ruzeeteʼ Biblia ra «zeʼ dxi jmaruʼ si zúnicaʼ cosa malu» (2 Timoteo 3:1-5, 13). Pa racaláʼdxiluʼ gánnaluʼ jma, biindaʼ artículo «¿Predijo la Biblia cómo sería la gente en nuestros días?».

Stale binni rinabadiidxaʼ: «¿Xiñee qué runi Dios xiixa para cadi guizaaca ca desgracia riʼ ra scuela pue?». Para gánnaluʼ xi caníʼ Biblia de laani, biindaʼ artículo «Xiñee rizaaca binni nachaʼhuiʼ cosa malu».

¿Xi zanda gacané laanu gudxíʼlunu yuubaʼ ni rusaana ca desgracia ca?

•  «Guiráʼ ni gucuá dxiqué, gucuá ni para gusiidiʼ ni laanu, ti ora [...] quixhedxí Stiidxaʼ Dios ladxidoʼno la? gápanu esperanza» (Romanos 15:4).

Zanda gacané ca conseju ni zeeda lu Biblia lii para gudxiiluluʼ ca cosa malu ni cazaaca lu Guidxilayú riʼ. Pa racaláʼdxiluʼ gánnaluʼ jma, zanda gúʼndaluʼ revista ¡Despertad! ni láʼ «¿Acabará algún día la violencia?».

Para gacaneluʼ ca xiiñiluʼ cadi guidxíbicaʼ ora gúʼyacaʼ o gunadiágacaʼ xiixa noticia feu la? biindaʼ artículo «El efecto de las noticias en los niños».

¿Ñee zedandá dxi maʼ qué ziuu binni malu la?

•  «Zulabe laacaʼ de ca ni cucaalú ne ni cayuniná laacaʼ» (Salmo 72:14).

•  «Zúnicabe espada stícabe cubu ni ricá ruaa aradu, ne zúnicabe lanza stícabe podadera. Qué zandisaʼ ti nación espada stiʼ para gucaalú sti nación ne maʼ qué zaziidicaʼ tíndecaʼ para checaʼ lu guerra» (Miqueas 4:3).

Zuni Dios ni qué ganda guni ca gobiernu nuu lu Guidxilayú. Zunitilú Reinu o gobiernu stiʼ Dios guiráʼ guiibaʼ ni riquiiñeʼ binni para guniná xcaadxi ne maʼ qué ziuuruʼ guendaquéiquiiñeʼ. Pa racaláʼdxiluʼ gánnaluʼ xi guiráʼ chiguni Reinu stiʼ Dios la? biindaʼ artículo «Zedané Reinu stiʼ Dios stale guendariuudxi».