Lu iza 2023 riʼ nabé nandáʼ huayaca lu guidubi Guidxilayú | ¿Xi caníʼ Biblia de laani?

Nabé nandáʼ huayaca lu guidubi Guidxilayú, ne cumu nabé maʼ bichaa clima la? cayaca stale desastre natural. Guidúʼyanu caadxi cosa ni huaníʼcabe de laani:

• «Bizulú cadopa información stiʼ clima raca 174 iza ne deruʼ lu beeu junio nga jma nandáʼ huayaca lu Guidxilayú» (Oficina Nacional de Administración Oceánica y Atmosférica, Departamento de Comercio de Estados Unidos, 13 de julio de 2023).

• «Nabé nandáʼ cayaca Italia, España, Francia, Alemania ne Polonia, ne nuu si de ugaandacabe 48 ºC [118 ºF] lu islas de Silicia ne Cerdeña. Zándaca nga nga ca dxi jma nandáʼ huayaca Europa» (Agencia Espacial Europea, 13 de julio de 2023).

• «Pa gaca jma nandáʼ la? jma nadipaʼ ne feu ziaba nisaguié, ne pur nga jma zalaahua stale lugar» (Stefan Uhlenbrook, director de la Sección de Hidrología, Recursos Hídricos y Criosfera de la Organización Meteorológica Mundial, 17 de julio de 2023).

¿Ñee riuuluʼ xizaa ora gánnaluʼ modo cayuniná clima laanu yanna riʼ la? Biiyaʼ xi peʼ ndiʼ cusiidiʼ Biblia de laani.

¿Ñee maca cá lu Biblia nabé feu ziuu clima la?

Ajaʼ. Maca cá lu Biblia zaca stale desastre natural ne nabé nandáʼ zaca ca dxi riʼ. Jesús peʼ guníʼ «zuuyaʼ binni cosa ni guchibi laa» (Lucas 21:11). Nabé ridxibi binni ora ganna ra zidiʼdiʼ dxi jma nadipaʼ cayaca sentir ca calor ca ne nuucabe xizaa gunduuxeʼ binni Guidxilayú riʼ.

¿Ziaana Guidxilayú riʼ sin binni la?

Coʼ. Bizáʼ Dios Guidxilayú riʼ para guibani binni luni ne qué zudiibe lugar gunitilú binni ni (Salmo 115:16; Eclesiastés 1:4). Maʼ guniʼbe zunduuxebe «ca ni cunitilú guidxilayú» riʼ (Apocalipsis 11:18).

Lu Biblia riete zanda gapa Dios Guidxilayú riʼ para cadi gunitilú binni ni pur guiráʼ contaminación nuu yanna, dxandíʼ peʼ zápabe ni.

• Riguixhedxí Dios «bi yooxhoʼ; ratadxí ca ola stiʼ nisadóʼ» (Salmo 107:29). Napa Dios poder para quixhedxí clima stiʼ Guidxilayú. Pur guiráʼ contaminación nuu yanna ri’ cayaca stale desastre natural ni cayuniná binni, peru zanda guni chaahuiʼ Dios ni.

• «Rápaluʼ guidxilayú ne ruʼnuʼ xiixa para gudii ni stale ne gapa ni stale cosa» (Salmo 65:9). Zuni Dios guidxilayú riʼ ti paraísu.

Para gánnaluʼ jma de promesa ni riete lu Biblia ni caníʼ zedandá dxi zaca chaahuiʼ modo nuunu riʼ la? biindaʼ artículo ni láʼ «¿Quién salvará el planeta?».