¿Ñee zanda gacané Biblia laanu gudxíʼlunu ti guendahuará la?

Ni ricabi Biblia

Zanda, rizaalaʼdxiʼ Dios ca xpinni ni huará. Biblia ná: «Zudii Jehová lii stipa ora maʼ néxheluʼ huaraluʼ» (Salmo 41:3). Chiguzéʼtenu chonna cosa ni zanda gúninu para gudxíʼlunu ti guendahuará ni maʼ qué rianda.

1. Gunabaʼ Dios stipa para guni huantarluʼ. «Zudii Dios laanu paz stiʼ, dede guirutiʼ zanda guiene ximodo ni», zacaneni laanu cadi chuʼnu xizaa ne zudiini stipa laanu para gudxíʼlunu guendahuará ni nápanu (Filipenses 4:6, 7).

2. Guca positivu. Biblia ná: «Ti ladxidóʼ nayecheʼ la? racané para guianda ra gucaná, peru ti binni nuu triste la? rirá stipa stiʼ» (Proverbios 17:22). Ora runi ti binni stipa chuʼ nayecheʼ la? qué riuu triste ne nga racané laa cadi gaca huará.

3. Biquidxi esperanza stiluʼ. Zacané esperanza ca laanu chuʼnu nayecheʼ neca gápanu ti guendahuará (Romanos 12:12). Lu Stiidxaʼ Dios ná zedandá dxi maʼ qué zaníʼ binni «huaraʼyaʼ» (Isaías 33:24). Zabee Dios guiráʼ ca guendahuará nuu yanna ni qué ganda cuee ca científicu, laaca zabeebe guendarioʼxhoʼ, ne Biblia ná: «Gaca beela ládibe jma nazaaca que dxi nahuiinibe, guibiguetaʼ gápabe stipa ni gúpabe dxi nahuiinibe» (Job 33:25).

Nota: Laanu ca testigu stiʼ Jehová, nápanu confianza zacané Dios laanu, peru laaca ruyúbinu guni tender ti doctor laanu ora nápanu ti guendahuará (Marcos 2:17). Ne qué rábinu binni xi tratamientu zanda guicaa o chinanda, purtiʼ cada tobi naquiiñeʼ guʼyaʼ ximodo guianda.