PREGUNTA 10

Ñee zanda gacané Biblia naa la?

XIÑEE RISACA NI

Biblia na: «Irá Xquiʼchi Dios, Espíritu Santu uníʼ xi icá», ni ná ni nga de Dios zeeda ni (2 Timoteo 3:16). Pa dxandíʼ ni la? zanda gudii Biblia lii guiráʼ conseju ni caquiiñeluʼ.

LII, XI ÑUʼNUʼ

Bixuiʼlú ndiʼ: Ziné David carru stiʼ ne canazabe ti lugar ra qué runibiaʼbe. Ora bíʼyabe ca edificiu nuu raqué ne lá ca calle que la? bidiibe cuenta gadxé lugar nuube. Maʼ binítibe. Zándaca qué nudiibe cuenta gucuaabe gadxé neza.

Pa ñácaluʼ David, xi ñuʼnuʼ.

GULEZA NE GUNÍʼ IQUE

Napuʼ caadxi opción:

Guinabuʼ tuuxa gabi lii ximodo chindaluʼ ra racaláʼdxiluʼ.
Gúʼyaluʼ ti mapa o iquiiñeluʼ ti GPS.
Gusarouʼ dede ra guidxeʼluʼ neza ni caquiiñuʼ.

Rihuinni dxíchica cadi jneza diʼ guʼnuʼ ni zeeda lu opción C.

Jma galán opción B ca, purtiʼ zapuʼ ti mapa o ti GPS ni gacané lii para chindaluʼ ra racaláʼdxiluʼ.

Zacaca nga zanda gacané Biblia lii.

Laani nga libru ni jma rizíʼ binni ne zanda:

Gabi ni lii xi guʼnuʼ ora gapuʼ guendanagana.
Gacané ni lii gunibiáʼ chaahuiluʼ lii ne gácaluʼ ti binni nachaʼhuiʼ.
Gusiidiʼ ni lii ximodo jma jneza guibániluʼ.

RESPUESTA STIʼ CA COSA NI JMA RINABADIIDXAʼ BINNI

Cásipeʼ maʼ randa rininu, maca zinabadiidxanu stale cosa:

Xiñee azul guibáʼ.
Xi biquiiñeʼ para guyáʼ ca estrella ca.

Despué maʼ rinabadiidxanu de ca cosa ni ridúʼyanu lu guidxilayú:

Xiñee raca stale cosa malu.
Xiñee rátinu.

Ñee nannuʼ ricabi Biblia ca pregunta riʼ la?

Stale binni riníʼ puru cuentu ne historia si nga zeeda lu Biblia, o maʼ ti libru yooxhoʼ ni ne nagana para guiene binni ni. Peru, ñee dxandíʼ ni la? Ñee dxandíʼ nga ni riníʼ binni de Biblia la? O zándaca cadi jneza modo huayénecabe ni.

Guzéʼtenu ti ejemplu. Nuu binni riníʼ cá lu Biblia, Dios nga cayuni mandar guidxilayú. Peru, ñee dxandíʼ nga la? Maʼ binitilú guidxilayú riʼ. Guiráʼ ladu ridúʼyanu stale yuubaʼ ne guendanagana, guendahuará ne guendaguti, guendapobre ne desgracia. Zuni xa ti Dios ni nadxii binni guiráʼ cosa malu riʼ.

Ñuuláʼdxiluʼ ñánnaluʼ tu cayuni mandar guidxilayú riʼ la? Zadxagayaaluʼ ora gánnaluʼ ximodo ricabi Biblia ni.

Zándaca maʼ biiyaluʼ guiráʼ conseju stiʼ folletu riʼ biree cani lu Biblia. Nanna dxichi ca testigu stiʼ Jiobá zanda guni crecaʼ guiráʼ ni rusiidiʼ Biblia, purtiʼ «Espíritu Santu uníʼ xi icá, ne nuu ni para usiidi ni laanu ne para ulidxe ni laanu ne para gabi ni laanu paraa cuchéʼ nu» (2 Timoteo 3:16, 17). Runi invitardu lii gunibiaʼluʼ libru riʼ, dxandíʼ maʼ xadxí de nuu ni, peru guizáʼ riquiiñeʼ ni tiempu riʼ.