«Bisiidiʼ xiiñiluʼ neza ra naquiiñeʼ saʼ»

Lu libru stiʼ Proverbios zeeda stale conseju galán para cani napa xiiñiʼ. Ne cásica ti rama riʼniʼ rigaa ni ladu gudxii binni luni, zacaca nga ora rusiidiʼ binni xiiñiʼ de Dios, zeeda gaca ni casi ora nudxiicabe lucaʼ neza nuu Jiobá para gúnicaʼ xhiiñabe ora guiniisicaʼ.

22:6

• Riquiiñeʼ stale tiempu ne stipa para gusiniisi binni xiiñiʼ jneza.

• Cani napa xiiñiʼ naquiiñeʼ gudiicaʼ ti ejemplu galán ca xiiñicaʼ, ne naquiiñeʼ gúnicaʼ stipa pur gusiidicaʼ laacabe, gudiicaʼ conseju laacabe, uguucaʼ gana laacabe ne uguu jnézacaʼ laacabe.

22:15

• Ora uguu jneza binni tuuxa la? naquiiñeʼ guni ni né guendarannaxhii ti ganda cuee ni cadi jneza nuu lu xquendabiaanibe ne ndaaniʼ ladxidoʼbe.

• Gadxé gadxé modo nga naquiiñeʼ uguu jnézacabe cada xcuidihuiiniʼ.