Ñee riguuyaluʼ ca guiʼchiʼ cá lu tableru la?

Ca binnigola, ca siervu ministerial ne xcaadxi xpinni Cristu ni rúnicaʼ xiixa dxiiñaʼ ra ridagulisaanu, gatigá ruuyacaʼ ca guiʼchiʼ ni cá lu tableru ti gánnacaʼ pa nápacaʼ xiixa libana o xiixa dxiiñaʼ. Peru guiranu nga zanda guidxélanu xiixa ni caquiiñeʼ gánnanu lu tableru. Ñee nánnanu padxí raca caber laanu gusianu ra Yoo stiʼ Reinu la? Ñee nuu xiixa carta biseendaʼ Betel o binnigola ni riganna ca neza binni ridagulisaa ni caquiiñeʼ guidúʼndanu la? Ñee maʼ nánnanu xi láʼ libana para stale binni ni chitiidiʼ semana riʼ ti ganda guni invitarnu ca binni rúʼndanenu Biblia la? Ñee bidxaa hora chigápanu xiixa guendaridagulisaa stinu o bidxaa xiixa lu grupu ni rucheechenenu diidxaʼ la? Stale de cani bizéʼtenu ca maʼ qué rieeteʼ cani lu ca guendaridagulisaa ni rápanu ne cadi guiráʼ diʼ biaje zanda gabi ca binnigola laanu xi raca caber laanu gúninu. Nga runi, gatigá guidúʼyanu ca guiʼchiʼ ni cá lu tableru stinu. Ne ra ganna chaahuinu guiráʼ ni chigaca ra ridagulisaanu zúninu xhiiñanu jma «jneza» (1 Cor. 14:40).