Jiobá zulá lii

1. Jiobá nga ni zulá lii,

dxandipeʼ zapa lii.

Pa chuʼluʼ lu bandáʼ stiʼ

nin tu zagaʼnaʼ lii.

Jiobá nga Rey ni zuuyaʼ lii,

ra nuube zanda ilá de iráʼ.

Jiobá nga torre stiluʼ

ra guirutiʼ zuniná lii.

2. Pa nuu tu maʼ caxeleʼ

de xquidxi Dios Jiobá,

qué liica chiguidxiʼbuʼ

Dios nga cayapa lii.

Dxi gueeda dxi stiʼ Dios nandxóʼ

zunduuxeʼ iráʼ ni runiná,

dxandipeʼ lii zalaluʼ

pa lii gapuʼ fe Dios Jiobá.

3. Lu neza ra zizaluʼ

Jiobá zanaaze nouʼ.

Zulá lii de iráʼ trampa

ni gueeda para lii.

Maʼ qué ziuu dxi guidxiʼbuʼ lión

ne cobra lii zuxhaatañeuʼ.

Jiobá nga ni zulá lii,

qué zusaana de gapa lii.