Diidxaʼ riuundaʼ 10
«¡Raríʼ nuaaʼ! Biseendaʼ naa»
(Isaías 6:8)
1. Ca binni nuu lu idxilayú
qué rusisaca lá Jiobá;
riniʼcaʼ malu Dios stinu
qué runi crecaʼ nuu Jiobá.
«Tu laa zanda guiníʼ pur naa
ne iníʼ naa nga ti Dios dxandíʼ.»
«¡Raríʼ nuaaʼ Dios! Biseendaʼ naa.
Naa ulueeʼ lii nga Dios ni dxandíʼ.
(ESTRIBILLO)
»Ti ndaayaʼ roʼ nga cudiiuʼ naa, Dios.
Nuaaʼ raríʼ, biseendaʼ naa.»
2. Ca binni malu ca riníʼ
nanene Dios, cadi nadxii;
jma rúnicaʼ pur ca bidóʼ
ne ricaa stobi ni stiʼ Dios.
Tu quixhená ca malu ca
maʼ gaxha nuu dxi stiʼ Jiobá.
«¡Raríʼ nuaaʼ Dios! Biseendaʼ naa.
Naa quixhenaʼyaʼ laacabe.
(ESTRIBILLO)
»Ti ndaayaʼ roʼ nga cudiiuʼ naa, Dios.
Nuaaʼ raríʼ, biseendaʼ naa.»
3. Guiráʼ binni nachaʼhuiʼ ca
rucaacaʼ ridxi Dios de ibáʼ;
ti gacané guiziidicaʼ
ti ganda guilá de guiráʼ.
«Tu laa gusiidiʼ laacabe
ca diidxaʼ ni zeeda de Dios.»
«¡Raríʼ nuaaʼ Dios! Biseendaʼ naa.
Zusiideʼ de guirácabe.
(ESTRIBILLO)
»Ti ndaayaʼ roʼ nga cudiiuʼ naa, Dios.
Nuaaʼ raríʼ, biseendaʼ naa.»
(Laaca zanda gúʼndaluʼ Sal. 10:4; Ezeq. 9:4.)