NDAA 2

Tuu nga Dios ni dxandíʼ

Dede ra zuba Dios lu trono stiʼ guibáʼ cayuuyadxí guiráʼ ni bizáʼ casi ca ni nuu guibáʼ zaqueca ca ni nuu ndaaniʼ Guidxilayú

Ti Dios si ni dxandíʼ nuu, ne labe Jiobá (Salmo 83:18). Ti binni de espíritu laabe, nga runi qué randa ridúʼyanu laabe. Nabé nadxiibe laanu ne racaláʼdxibe gannaxhiinu laabe. Laaca racaláʼdxibe gannaxhiinu binni (Mateo 22:35-40). Jiobá si nga ni jma nandxóʼ, purtiʼ laabe bizaʼbe guiráʼ xixé ni nuu.

Primé ni bizáʼ Dios nga ti ángel ni napa stale poder. Ángel ca biree lá Jesucristu dxi beeda lu Guidxilayú riʼ. Jiobá laaca bizáʼ xcaadxi ángel.

Jiobá bizáʼ guiráʼ ni nuu guibáʼ... ne guiráʼ ni nuu lu Guidxilayú (Apocalipsis 4:11)

Jiobá bizáʼ guibáʼ, Guidxilayú ne guiráʼ ni nuu luni (Hechos 4:24).

Bizaʼbe primé hombre que de yú ne gulee labe laa Adán (Génesis 2:7).