Modo guni predicarluʼ jma jneza: Gucané cani nachaʼhuiʼ ladxidóʼ gácacaʼ discípulo

XIÑEE RISACA NI. Purtiʼ Jiobá nga racané para guiniisi ni dxandíʼ ca ndaaniʼ ladxidóʼ ca binni «nachaʼhuiʼ [...] ni nuu para guicaa guendanabani ni qué zaluxe» (Hch 13:48, TNM; 1Co 3:7). Racanenu Jiobá ora rúninu stipa para gacanenu ca binni ni runi stipa pur guni ni caziidiʼ (1Co 9:26). Naquiiñeʼ guiene ca binni ca, pa racaláʼdxicaʼ guilacaʼ, primeru caquiiñeʼ chuʼnísacaʼ (1Pe 3:21). Para ganda gaca ca estudiante stinu ti discípulo, caquiiñeʼ gacanenu laacabe gúnicabe cambiu lu xquendanabánicabe, guni predicárcabe, gusiidicabe xcaadxi ne gudiicabe xquendanabánicabe Jiobá (Mt 28:19, 20).

XIMODO GÚNILUʼ NI

• Bisietenalaʼdxiʼ ca estudiante stiluʼ, propósitu stiʼ estudiu ca nga gacané ni laacabe gunibiáʼcabe ne chuulaʼdxiʼ Jiobá modo laacabe (Jn 17:3).

• Para ganda guni progresárcabe en sentidu espiritual, gucané laacabe gudxiilúcabe xiixa ni rucueeza laacabe para gúnicabe ni ná Jiobá casi xiixa viciu o gusaana de guieegucabe binni ni runi ni cadi jneza.

• Guluu gana ne gucané laacabe guzuhuaacabe dxiichiʼ ante ne despué de chuʼnísacabe (Hch 14:22).

GÚʼYASITU VIDEU NI LÁʼ ZACANÉ JIOBÁ LII, ZANDA GUICÁBITU CA PREGUNTA RIʼ:

• ¿Xi zándaca gucaa tuuxa idxibi gudii laa Jiobá ne chúʼnisa?

• ¿Ximodo zanda gacané ca ancianu ca binni ni cayuni estudiar guni progresarcaʼ en sentidu espiritual?

• ¿Xi rusiidiʼ Isaías 41:10 laanu de Jiobá?

• ¿Xi ca cualidad zanda gacané laanu gúninu xhiiñaʼ Jiobá modo riuulaʼdxiʼ neca nácanu binni ruchee?