MODO RÚNINU XHIIÑAʼ DIOS
Pa guni búrlacabe lii biyubi gacané Jehová lii
Zándaca gacananu ne chuʼnu triste ora gúnicabe laanu bullying o guni búrlacabe laanu. Ne pa guidxíbinu ora guiníʼcabe mal de ni runi crenu la? laaca zándaca guxheleʼ ni laanu de Jehová. Yanna, ¿xi zanda gúniluʼ pa runi búrlacabe lii yaʼ?
Stale tu runi huantar ne qué riree gana ora rúnicabe laa bullying purtiʼ ruyubi gacané Jehová laa (Sl 18:17). Tiempu bibani Ester, guyuu ti hombre malu láʼ Hamán ni bicaalú xquidxi Dios, peru guca Ester nadxibalú ne bisihuinni xii ngue cá ique hombre malu riʼ guni (Est 7:1-6). Peru ante gúnibe ni, biʼniʼ ayunarbe para gusihuínnibe racaláʼdxibe gacané Jehová laabe (Est 4:14-16). Guluu Jehová ndaayaʼ Ester pur ni biʼniʼ que. Ne laaca gupa Jehová laabe ne guidubi guidxi que.
Joven, ¿ñee runi búrlacabe lii la? Pa zacá ni, gunabaʼ Jehová gacané lii ne guniʼné tuuxa ni maʼ huaniisi de ni cazaacaluʼ, casi jñaaluʼ o bixhózeluʼ. Gunna dxiichiʼ laaca zacané Jehová lii cásica gucanebe Ester. ¿Xiruʼ zanda gúniluʼ pa runi búrlacabe lii yaʼ?
DESPUÉ DE GÚʼYALUʼ VIDEU NI LÁʼ ORA NAHUIINILUʼ: ¿XI GUNEʼ PA RUNI BÚRLACABE NAA?, ZANDA GUICÁBILUʼ CA PREGUNTA RIʼ:
¿Xi rusiidiʼ ejemplu stiʼ Charlie ne Ferin ca joven?
¿Xi rusiidiʼ videu riʼ ca ni napa xiiñiʼ?