Ca guenda sicarú stiʼ ca hermana

1. Casi María, Rut, Ester ne Sara,

laaca guyuuruʼ xcaadxi gunaa dxiqué;

bíʼnicaʼ xhiiñaʼ Jiobá né stale fe,

gunnaxhiibe de guirácabe pur ngue.

Laacaʼ bíʼnicaʼ xhiiñaʼ Jiobá Dios;

nga runi lu Biblia zadxeʼluʼ lácabe.

2. Zaqueca runi ca hermana stinu,

ra rusihuínnicaʼ guendarannaxhii;

ne náparucaʼ jma guenda sicarú,

laaca nápacaʼ guendanadxibalú.

Guizáʼ rusisácanu guiracaʼ

de guiráʼ ca guenda stiʼ ca bizáʼnanu.

3. Dede guiráʼ xixé ca hermana stinu,

rúnicaʼ xhiiñaʼ Jiobá né stale fe;

ne de guiráʼ nga ruzuubaʼ stiidxaʼ Dios,

ne nayecheʼ rúnicaʼ ni ná Jiobá.

Pur guiráʼ ni runi ca gunaa riʼ,

ti guendanabani zudii Jiobá de iráʼ.