LECCIÓN 45
¿Xi riníʼ gaca ti xpinni Cristu neutral?
Sicaríʼ gudxi Jesús ca discípulo stiʼ: «Cadi parte de guidxilayú riʼ laatu» (Juan 15:19). Nga runi guiráʼ xpinni Cristu naca neutral o qué riuucaʼ lu política ne qué riecaʼ lu guerra. Peru cadi guiráʼ biaje nga fácil gaca tuuxa neutral, purtiʼ ziuu tu zuni burla laa. Nga runi, ¿ximodo zanda gácanu neutral ne cadi guchéʼnenu Jehová yaʼ?
1. ¿Ximodo ruuyaʼ ca ni dxandíʼ naca xpinni Cristu ca gobiernu ca?
Runi respetar ca xpinni Cristu ca gobiernu. Jesús guníʼ: «Laquixe César stiʼ César». Ne nga nga ni rúnidu: rinándadu ca ley ni maʼ gudixhe gobiernu, casi guiaxa impuestu (Marcos 12:17). Biblia ná nuu ca gobiernu ca purtiʼ Jehová nga gudixhe chúʼcabe (Romanos 13:1). Nga runi, para laadu la? jma huaxiéʼ autoridad napa ca gobiernu que biaʼ autoridad napa Dios. Ne nuudu seguru Dios si stidu ne gobiernu stiʼ nga zanda guni chaahuiʼ ca guendanagana napa binni guidxilayú.
2. ¿Ximodo zanda gusihuínninu nácanu neutral?
Cásica Jesús la? qué riúʼdinu lu política, dxi biʼyaʼ binni cayuni Jesús ti milagru, gucaláʼdxicaʼ ñúnicaʼ laabe rey lu Guidxilayú riʼ, peru qué ninabe (Juan 6:15). ¿Xiñee yaʼ? Laabe guniʼbe: «Cadi naca Reinu stinneʼ parte de guidxilayú riʼ» (Juan 18:36). Nga runi, de gadxé gadxé modo rusihuinni ca discípulo stiʼ Jesús nácacaʼ neutral. Guzéʼtenu ti ejemplu, laanu la? qué riuunu lu guerra (biindaʼ Miqueas 4:3). Stobi nga, neca runi respetarnu bandera, qué runi saludarnu ni, purtiʼ pa gúninu ni la? maʼ cayuni adorarnu ni (1 Juan 5:21). Ne laaca qué runi apoyarnu nin ti candidatu o ti partidu políticu ne ninca qué rucáʼlunu laacaʼ. Zacá nga rusihuínninu qué racaláʼdxinu guchéʼnenu Reinu stiʼ Dios o gobiernu stiʼ.
GUIZÍʼDIRUNU JMA
Guidúʼyanu pora zándaca gaca nagana para laanu gácanu neutral ne xi zanda gacané laanu guicaanu decisión jneza ni gusiecheʼ Jehová.
3. Ca ni dxandíʼ xpinni Cristu nácanu neutral
Gudixhe Jesús ne ca discípulo stiʼ ti ejemplu galán para laanu. Laguundaʼ Romanos 13:1, 5-7 ne 1 Pedro 2:13, 14. Despué laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
¿Xiñee caquiiñeʼ guni respetarnu ca autoridad?
¿Ximodo zanda gusihuínninu ruzúʼbanu stiidxacabe?
Tiempu cayaca guerra, nuu guidxi riníʼ naca neutral, peru runi apoyar guiropaʼ guidxi o grupu ni cadinde. ¿Ñee nga nga gaca binni neutral la? Laguundaʼ Juan 17:16. Despué laguuyaʼ VIDEU riʼ ne laiquiiñeʼ pregunta riʼ para güitu diidxaʼ:
¿Xi riníʼ gácanu neutral?
¿Xi zanda gúninu pa guinabaʼ ca autoridad ca laanu gúninu xiixa ni gucaa laanu guchéʼnenu ley stiʼ Dios? Laguundaʼ Hechos 5:28, 29. Despué laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
Pa gadxé ni rinabaʼ ley stiʼ binni laanu gúninu ne gadxé ni rinabaʼ ley stiʼ Dios laanu, ¿tu naquiiñeʼ guzúʼbanu stiidxaʼ?
¿Pora nga rábiluʼ qué zanda guzuubaʼ ca xpinni Cristu stiidxaʼ ca autoridad?
4. Gusihuínninu nácanu neutral pur ni riníʼ íquenu ne ni rúninu
Laguundaʼ 1 Juan 5:21. Despué laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
¿Xiñee qué niná Ayenge ñuu lu ti partidu políticu ne qué niná ñuni saludar bandera?
¿Ñee rábiluʼ jneza decisión gucuaabe la?
¿Pora rábiluʼ zanda gaca nagana para laanu gácanu neutral? Laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
¿Ximodo zanda gusihuínninu nácanu neutral ora raca xiixa eventu deportivu ra runi competir gadxé gadxé guidxi?
¿Ximodo zanda gácanu neutral ora ricaa ca políticu xiixa decisión ni zándaca gacané o guniná laanu?
¿Xi zanda gucaa ca noticia ne ni riníʼ binni guiníʼ íquenu o gúninu?
¿Pora zanda gusihuinni ti xpinni Cristu naca neutral pur ni riníʼ ique ne ni runi?
NUU TU RINABADIIDXAʼ: «¿Xiñee qué runi saludarluʼ bandera ne qué ruundaluʼ himno nacional pue?».
¿Xi nicábiluʼ?
XI BIZÍʼDINU
Runi ca xpinni Cristu stipa gácacaʼ neutral ne qué riuucaʼ lu política, ne rusihuínnicabe ni pur ni riníʼ íquecabe, pur ni riníʼcabe ne ni rúnicabe.
Xi biziidiluʼ
¿Ximodo zanda gusihuínninu runi respetarnu ca gobiernu?
¿Xiñee qué riuʼnu lu política?
¿Pora zanda gaca nagana para laanu gácanu neutral?
BIIYAʼ XIRUʼ ZANDA GUIZIIDILUʼ
¿Xi guendanagana zándaca guidxaagalunu purtiʼ nácanu neutral?
¿Xi zanda guni ca familia para chuʼcaʼ listu dede ante ti ganda gusihuínnicaʼ nácacaʼ neutral?
Para stale binni, guni defender xquidxi nga ni jma risaca para laa, peru ¿ñee nga nga ni jma risaca la?
¿Ximodo zanda gusihuínninu cadi nácanu «parte de guidxilayú» riʼ ora guni decidirnu xi dxiiñaʼ gúninu?
«Cada tobi de laanu zabidxi Dios cuenta» (Tema ni zeeda lu Torre stiʼ ni rapa)